download - Rene van Maarsseveen

+ Zy Reysden ter ghestelder hueren
van spyse voorzien zonder bezwaer
maer twee ghezellen van Avonthueren
die volghdense van verre naer
5 Omme dien Rycquaert minnen leeren
end huutRechten die vrauwe Lack
duvels hoofden en duvels Cleeren
droughen zy me in eennen zack
205
Zy laeghen ghedoken achter een haeghe
10 Te wylent dat Rycquaert besich was
daer Rees vp een dondervlaeghe
en tblexemde zeere vp dat pas
Ieghens tempeest Luden de clocken
dus hebben dees twee ghezellen zaen
15 haer duvels hoofden Anghetrocken
haer duvels cleeren oock anghedaen
Daer dander twee laeghen dees ghezellen
de bruloft ghynghen bestoormen zy
duer dicke duer dinne met hueren bellen
20 Rommelden totser quamen by
Rycquaert hadde groote vaere
duer dit duvelssche gheluudt
zy liettent daer al Teenegaere
en schoyde wech met zyn zoete bruudt
25 Tvvas der ghezellen begheeren
datse naemen zoo den vlucht
zy ghynghen dryncken en vroylick smeeren
zy vonder den haeszack metten bucht
Rycquaerts keerle croesen en flasschen
30 eer zy mochten zyn bekent
eer mense mochte daer verRasschen
staeckent In hueren zack al gent
Anderssins ghijnghen zy hem vercleeden
dander bleuen int Loopen moe
35 met pack ende zack onder hem beeden
Schoyden zy naer taveerne toe /
Eduard de Dene, Testament rhetoricael
+ 269 v