download - Rene van Maarsseveen

189
warachtich de ghuene die vreest den heere
end vp dat hy noch meerder loon vermeere
huut syon zal hy hu ghebenedyden
tziene tgoedt van ierusalem / dit ghelooft zeere
10 alle die daeghen dyns Leuens tyden
en ziet huwer kyndren kyndren zonder vermyden
paeys ouer israel met iolysheyt
vreest den heere / en wilt voor de waerheyt stryden
De vreeze des heeren / Es tbeghin der vvysheyt
Prouerbi .15.
Duer bermherticheyt ende ghelooue vermeeren
worden de zonden ghezuuert verstaet
maer ziet / duer die vreese des heeren
zo wyct een yeghelick menssche van tquaet
Mannen ende Ionghers
+
Ionghe mannen ghecommen in des huwelicx staet
duer onEerbaer ghezelschap zomtyds verleed
wacht hu naer / Tnaervolghende Refereyns Raedt
met donCuussche wandelaers niet ommeghaet
25 nyemandt zo wys die zyn ghebuerynghen weet
Oock ghy Iongheskens met teerste wambaeys ghecleedt
steppende ter weerelt maer ouer de zille
wiens bloedt / es tot quaeder wulpsheyt heet *
heb hulieden oock tzelfde Refereyn bereedt
30 Ontfaettet in dancke de ghuene die wille
zulck nut naer veel zoets / een bitterlicke pille /
Refereyn
Hoort alle Ionghe wulpsche noch groene van Iaeren
schuut alle quaet ghezelschap Tot alder tydt
Laet ydel ongoddelicke woorden vaeren
5 maer wilt hu metten ghuenen voughelick paeren +
die anRoupen met een herte Reyn / god ghebenedydt
en ghelooft niet alle gheesten waer dat ghy zyt +
van een menssche dat een ketter es / wilt afstaen +
prouft alle gheesten / want inder weerelt wydt +
10 veel valsche propheten zynder huutgheghaen
* ‘bereed’ vóór ‘heet’ doorgehaald.
Eduard de Dene, Testament rhetoricael
+
261 r
+ 2 thimoth .2
+
1 iohan 2
+
Tytum .3.
+
1. Iohan. 4