download - Rene van Maarsseveen

188
+ zyt vromelick ter eeren gods dan gheneghen
eer dyn huus zy averecht ommegheworpen zaen
niet beters esser / dan tsheeren vreese vercreghen
want tsheeren inghel zal zulcken Rondtsomme staen
5 dus vreest den heere vasticheyt zuldy ontfaen
en gheen quaet zal hu ghemoeten / duer die advysheyt
quaet te schuwen / es verstandt / maer hoe ghedaen
De vreeze des heeren Es tbeghin der wysheyt
Heere god vroom beschermer van adams weesen
10 die veelheyt huwer goetheyt / die es zo groot
die ghy verborghen hebt / den ghuenen die hu vreesen
de chieraidge dyns huus vul claerlichtende Reesen
heb ick lief ghehadt heere Troost mynder noodt
ghelyck een vadre doet / een ontfaermich exploot
15 ouer zyne kyndren tsghelycx heere ghy
ontfaermt ghy die hu vreesen tot inder doodt
want ghy kendt ons maecxsels hoe broosch dat zy
ghy heere zyt myn zaelicheyt weet ick vry
en myn licht / wien zoud ick anders vreesen dan
20 vreesen die tlichaem dooden / zy verre van my
maer god vrees ick / die ons allen behouden can
vvant de wille zynder vreesers in tsweerelts ghespan
zal god die heere doen onbezweken
iob heeft zelue gheseyt als Rechtueerdich man
25 als vpzwellende vloeden ouer my ghestreken
heb ick god ghevreest daeghen maenden en weken
dus dan wy grouue zondaers / en vul mesprysheyt
laets god vreesen / en dolende dwaesheyt versteken
De vreeze des heeren Es tbeghin der wysheyt
30 Prinche
Zaelich zyn al die den heere vreesen voorwaer +
ende vp zyne weghen wandelen Claer
vvant ghy zult van huwer handen aerbeydt eten
zo zydy zaelich / end hu zal wel vvesen daer
+ +**
hu wyf zal zyn als een wynstock vruchtbaer
ande weeghen dyns huus doet Dauid weten
hu kyndren als nieu olyftackplanten ghezeten
Rondtsomme huwer tafele Tallen keere
5 ziet ghebenedydt word zoo dien man ghemeten
** Verticale streep onder de nota in margine tot r. 11.
Eduard de Dene, Testament rhetoricael
+ 260 r
+ Psal C 27
+ 260 v
+ Psal C 27