download - Rene van Maarsseveen

177
meest verblydt wat hem anders blydelick groet
In een eerbaer Wyse stercke huusvrauwe goet
Met sterckheyt can zou huer lendenen omRynghen
huer handen huutstreckende / tot stercke dynghen
10 end huer handen open doende totten aermen ziet
totter spille can zou haer vyngheren dwynghen
end en eit haer brood met Ledicheyt niet
gheen wanckelbaer Riet
gheen man wordt dies edel inder poorten gheschiet
15 zou can huer zeluen maecken een Reyn verchieren
witte zyde / twelck teecken der eerbaericheyt biedt
ende purpur dats haer cleed in Liefde hanthieren
stercheyt ende verchierynghe By manieren
int huusghezins Regieren
20 dats tvppercleedt van deser stercke vrauwe vroedt
dus met goeder Redenen / die gheen lueghens vieren
den huusman verblydt meest in vleesch ende bloedt
In een eerbaer Wyze stercke huusvrauwe goet
Prinche
25 De zuenen van deser vrauwe fine
stonden vp / ende presense zaelich te zyne
end huer man die Loofdeze oock der naer
zou mercte naer een acker te dien termine
zou cochtse ende plantte der eennen wynbergh daer
30 wyselick eerbaer
vanden vruchten / van haer eeghin handen voorwaer
en veel dochteren vergaderden thuerer vrede
veel Rycdommen tsaemen warachtelick maer
ghy ghaetse al te bouen in deerdsche stede
35 ghy stercke wyse vrauwe dits warachtichede
+
want huere zede
verwint Alle * zwaermoedicheyt onder de voet
den huusman dies / al hadhyr cleen goeyken mede
verblydt meest / als hy tcleedt van Redenen andoet
5 In een eerbaer Wyse stercke huusvrauvve goet.
Onderdaneghe mans
Dusdanighe goe mensschen / wien noyndt goe dienst schilde
goede Iobbers in Bonifacius ghilde
* ‘Alle’: ‘A’ over ‘a’.
Eduard de Dene, Testament rhetoricael
+ 254 v