download - Rene van Maarsseveen

Refereyn
173
10 Ghy mannen hebt hu huusvrauwen lief int leuen
zoo als christus zyn kercke ghehadt heeft lief +
ende heeft hem zeluen voor haer ouerghegheuen
vp dat hyse zoo helich te maeckene besief
die mans zullen haer huusvrauwen in alle meschief
15 Lief hebben / als huerlieder eeghin Lichaeme
vvie zyn huusvrauwe bemindt naer paulus brief
die bemint hem zeluen / Want zoot betame
noyndt hadde yemandt zyn vleesch onbequame
in haet / maer onderhoud / Als * dheere de kercke doet
20 verzaemt met elckandren / naer vvetentheyt eersame +
eere tot dyn wyf draeghende goethertich ghemoet
Als ** tot een broossche vaetken / end huer vriendlick groet
eere Reuerentie zult weder ghewinnen
zoo weeren haet en Nydt
25 Ghy mannen wilt huwe huusvrauwen beminnen
En ghy vrauwen / huwe mans onderdanich zyt / +
30
Sara hueren man Abraham was onderdanich +
hem heetende heere *** / met eerweerdichede
tsghelycx zult naervolghen niet Bittertraenich
want vander vrauwe / es die man thooft telcker stede +
End alsoo iesus christus Onse paeys en vrede
+ +
Thooft vander kercken es Certeynlick claer
ende ghelyck die kercke tsghelycx oock mede
es onderdaenich / dheere iesu christo voorwaer
dier ghelycke alle vrauwen zullen openbaer
5 hueren mans onderdaenich zyn in allen dynghen
ghy mannen zultter niet Ieghens zyn bittere / maer
vriendlick / met elck andren goe liefde vulbrynghen
van vpRysynghe der woorden / wilt hu bedwynghen
weist tzynewaerts toufzaemich met herte en zinnen
10 hem niet Lichte verwyt.
Ghy Vrauvven wilt hulieder mannen beminnen
en ghy mannen huwe huusvrauwen Vriendelick zyt
Van haer lichaeme / heeft die vrauwe gheen macht +
maer die man in behoorlicke tyden en stonden
15 tsghelycx zo en heeft oock de man gheene cracht
* Oorspronkelijk ‘als’; ‘A’ over ‘a’.
** ‘Als’: ‘A’ over ‘al’.
*** Rasuur (Eere?) vóór ‘heere’.
Eduard de Dene, Testament rhetoricael
+ Ephes. .5.
+ .1. Petri .3.
+ .1. petri .3.
+ genesi. 18.
+ Ephes. .5.
+ 252 r
+ Ephes. .5.
+ .1. Corinth. 7