download - Rene van Maarsseveen

164
10 omme mede mocht bezitten hu hemelsch Erfdeel
ghy nv ontlast van babylons zwaerdienstich gorreel
en sterck in my gheloouende veel foortsen verwint
Lief hebick hu in my niet ghegreffyt ghehint
Gheestlicke amoureuze
15 Princhelick Lief
Hu bermherticheyt Es inder eeuwicheyt
schoon schoonste Lief / myn god myns zalicheyts ghezeyt
en vvilt doch niet versmaeden twerck van huwen handen
laet my in hu hopen / die naer huwen toevlucht beydt
20 bedect my omRynght my / eer ick comme tot schanden
doch met myne voorvaders inde eerdsche Landen
heb ghezondicht tot hemel eerde Luchts bestyncken
almachtich lief die hebt ghebroken myn Banden
myn voorleden mesdaeden wilt gheenssins ghedyncken
25 bedect my vphoud my laet my niet neder zyncken
ghedynct der bermherticheyt wanneer ghy toornich zyt
Laet my tmantelCleedt / huwer ghenaeden Anblyncken
bedect my / voor al dat ieghens huwe wille strydt
end vp dat ick verblydt // by hu mach zyn ghevonden
30 Bedect my schoon Lief. Inde gaeten huvver vvonden.
++
Contemplatyfuich gheest
Princhesse
Ick Die de wortel (zeght christus) van dauid blycke
hebick hu oock niet / als vruchtbaer plantsoen gheplant
5 vp dat hu verEeneghen / van my niet Bezwycke
tot tsweerelts hend end eeuwich blyf hu Liefste pandt
edel ziele blyft in my dies / als ick in hu Want *
ghelyck de wynRancke / can gheen vruchten voortbrynghen
van huer zeluen / ten zy datse vast inden bandt
10 vanden wynstock blyfue / Bouen ander dynghen
alsoo noch ghy oock / mueght gheen vruchten omRynghen
ten zy ghy in my Blyft vast gheloofuich omtrent
Lief heb ick hier toe niet / Ieghens tsvyands besprynghen
dyns te buten ghaende / hu wille in my gheprent
15 End ** vp dat hu niet bedrieghe tlooslistich serpent /
(dit kendt //) om hu te hebbene van my ghedint
Lief heb ick hu in my niet ghegreffyt gheint
+ Fol. 246 v, r. 21 ‘Scriptura’ onderstreept.
* Rasuur (gheplant) vóór ‘Want’.
** Rasuur (dit kendt) vóór ‘End’.
Eduard de Dene, Testament rhetoricael
+ 246 v