download - Rene van Maarsseveen

163
+ heb ick hu in my niet ghegreffyt Warachtich
huwen paeys / en van beeden * ghemaect een Accoord
ick die es / die was / en zal blyfuen / almachtich
heb hu / huut tnederste / tot in dhemel niet anhoord
5 end alst tyd was edel ziele / neder daelt Rechtvoort
Ick onsterflick gheworden sterflick / twelck vp hu zient
end ick helich in wercken / ghetrauwe in myn woord
heb ick hu my zeluen niet ghemaect eennen vriendt
die bem midden onder hu / als een die daer dient
10 vp dat ick hu een god zy / die hu ziele bemint
Lief heb ick hu in my niet ghegreffyt ghehint
Gheestlicke amoureuze
Inde gaeten huwer wonden bedect my schoon lief
dats duer hu bitter passie / al myn zondich grief
15 zuvert ende vergheeft / alsoo bid ick hu dit
ghedynct huwer beloften / in huwer Liefden brief
Brudegomme die ter Rechter handt dyns vaders zit
in tghelooue my ghetraut hebt Liefmoedich verhit
Bedect my en becleedt my / met huwer liefden heet
20 schoon lief bouen der snee/ zal ick dan worden ghewit
bedect ghy myn boosheden ick dit ghelooflick weet
bedect my die omghordt hebt tmensschelick cleedt
daer in ghy der crucen doodt hebt willen steruen
Bedect ontfanct anhoort my / Ten Rechten weghe leed
25 Christe van nazareth Laet my toevlucht verwerfuen
eer my bederfuen / verweghen zondighe ponden
Bedect my schoon Lief // inde gaeten huwer wonden
Contemplatyfuich gheest
Die eerst Wandeldet inne die schaeuwe des doods
30 Als verdoolde schaepken heb ick hu niet ghezocht /
+
die waert doe sathanitich ommeRynght vul noods
heb ick hu hem niet ontTrocken / en tmywaerts ghebrocht
heb ick hu niet met my zeluen / steruende ghecocht
vp dat ghy duer my / end ick in hu zoude leuen
5 heb ick in die wynpersse niet alleene ghewrocht
vuldoende twerck der Liefden daer / ziele verheuen
hu verlosser zalichmaecker beschermere Bleuen
end ick die des wets hende bem / heb ick hu niet gheel
vry ghemaect / end in myn Rechter handt ghescreuen
* ‘beeden’: ‘b’ over ‘bl’.
Eduard de Dene, Testament rhetoricael
+ 245 v
+ 246 r