download - Rene van Maarsseveen

162
Contemplatyfuich gheest eersame die Andwoord huut tsbrudegoms Name
25 Edel christen ziele. Myn naerghemaecte beilde
in de wet der gratien heb ick hu ghestelt
wie mach hu dan deeren / die my noyndt verveilde
nyemandt Roupt christus hu vyanden zyn ghevelt
want heb ick hu niet / metten huutvercoorne ghetelt
30 die my gheestelick by mynder Rechter handt vaet /
+
ende trect my naer hu / dies myn liefde thuwaerts smelt
als erboren zynde / huut een onsteruelick zaet
och lief heb ick hu / met een liefwerckende daet
gheErft en ghemaect myn erfghename Niet
5 dies hu als my / dhemelssche poorte open staet
en huut die poorten des doods heb hu gheheuen ziet
och lief wat mocht ick meer doen / ten es thuwaerts ghesciet
en bouen al die van my waert verscheeden ghezint
Lief / heb ick hu / in my niet ghegreffyt ghehint
10
Gheestlicke amoureuse
Bedect my onder hu Rechter hands ghenaede
bedect my schoon lief / doet met my vrouch en spaede
huwe willende wille / zoot hu gheel dynct Goet *
bedect my / my blootduechdich / huut adams zaede
15 bedect my heere helpt my / schoon lief tmywaerts spoet
een teecken an my bid ick doch ** ten besten doet
bedect my / want Booslistelick bem ick bespiet
van tsatanitich serpent Twelck onder de voet
van hu my gheerne worpen zoude / schoon lief ziet
20 Bedect my huerer thien duust zal ick vreesen niet
al stonder meerder heyrcracht / oock ieghens my daer
myn mesdaeden zyn ieghens huwe hoogheyt gheschiet
veel meer dan der zyn zandekens / ter zee voorwaer
maer al es tpack zwaer // duer hu oetmoedeghe gronden
25 Bedect my schoon lief / inde ghaeten huwer wonden
Contemplatyfuich gheest
In my ghegreffyt ghehint / dats in my gheEenicht
als myn medeghetraude int gheloof eendrachtich
end vp dat ghy mocht wesen / ghezuvert gheReenicht
30 heb ick hu niet ghedweghen in myn heet bloedt crachtich
* Vóór ‘Goet’ is ‘doet’, waarvan de ‘d’ tot ‘G’ gecorrigeerd werd, geschrapt.
** ‘doch’: ‘d’ over ‘t’.
Eduard de Dene, Testament rhetoricael
+ 245 r