download - Rene van Maarsseveen

159
waer om zouden wy niet zomtyds wat mueghen lyden
30 duer wien onser zonden quyctschel es Anghecommen
vreest niet die tlichaem dooden / maer die verdommen
ziel en lichaem mach / datse ter hellen ghetroont // zyn
begheeft de liefde tsvleeschs / maer christene blommen
Bemindt hem die hu bemindt / ghy zulles gheloont // zyn
35 Prinche
++ Gheestelicke prelaeten // Regierders der weerelt
volck van allen staeten // hoe moylick ghekeerelt
zouct god / end hu herte zal wesen verhueght
en bemindt hem voor eerdsche Iuweelen bepeerelt
5 end het zal hu inbrynghen de meeste duecht
Bemindt oock huwen naesten / zoo ghy best mueght
weist hem niet in zyne noodzaecken diere
doch te wyle ghy zyt noch in huwe Iuecht
Bemindt god den heere wiens edel maniere
10 Bermhertich es en milde Vreidzaem huut dangiere
een god end een vadre van allen mede
Ouer al duer al in al zoo goedertiere
Comt myn gheminde / Roupt hy comt maecken chiere
in dat huus myns vaders der hemelsscher stede
15 veel schoon wuensten zynder dats warachtichede
gheen ooghe heeft ghezien / noch noyndt oore ghehoort
noch mensschen herte noyndt tminste begrypen dede
dies hy bereedt heeft die hem bemindt onghestoort
ziet deerde zal verghaen / maer blyfuen zyn woordt
20 met cleederen der zalicheyt wil hy ons cleeden
keert doch totten aldermachtichsten dan Rechtevoort
voor eerde / zo wil hy ons steenen bereeden
en voor die steenen / Reyn gulden beken verbreeden
vviens hemelssche glorie mach niet verschoont zyn
25 God es tbeghinsel en thende dus zonder of scheeden
end eer hu ouercommen waewyteghe weeden
Bemindt hem die hu bemindt / ghy zulles gheloont // zyn /
Aucteur
Nu vp dat vvy hem beminnen / en tvleesch mochten haeten
30 Oncuusscheyt Laeten
als niet wel tsamen connende dienen twee heeren
Ionick de vleeschghezinde Thuerlieder baeten
de vvercken des gheests huut Charitaeten
+ Fol. 243 r, r. 27-28 onderstreept.
Eduard de Dene, Testament rhetoricael
+ 243 r