download - Rene van Maarsseveen

158
bemindt hem / wiens liefde / tonswaerts es zonder verzaeden
25 Laets hem beminnen dan al ons Leuens daeghen
want de Liefde gods naer salomons ghewaeghen
es een heerlicke wysheyt vry van verzycke
Bemindt hem vastgheloouich zonder versaeghen
die god bouen in dhemel end vp deerde blycke +
30 onder de wet gheuers es gheen zyns ghelycke +
Tot wien es ghecommen ons claeghelick zuchten +
in bermherticheden es hy zeere Rycke +
vreest niet / met hu bem Ic zeght hij / wilt gheenssins duchten
Totter crucen doodt oetmoedich hem wildhy pluchten
35 als hy tonswaerts vanden vadre gheghaen was huut /
+
voor ons ghestoruen ghewillich / en zonder vluchten
Als wy noch waeren onder Tzwaer zondich tribuut +
voor ons gheoffert / want hyt wilde zonder gheluudt +
pacientich stom / als tlam voor den ghuenen diet scheeren
5 gheleden gheerne / voor alle zondaeren Ruudt
ons smerten te draeghene was al zyn begheeren
ghelooft hem / met gheen lueghens mach hy hem gheneeren
die als god ende menssche wilde ghepersoont // zyn
Dus bemindt god / nyemandt en zal hu deeren
10 Bemindt hem die hu bemindt Ghy zulles gheloont // zyn
Bemindt god huwen heere / ghy mensschen eerdich
die ons met zynder Liefden eerst wilde omRynghen
hy es ghenaedich goedertierich ende Rechtueerdich
tes cracht dies dat wy voor alle dynghen
15 duer zyn liefde / vvy ons liefde themwaerts dwynghen
die al onse zonden can huutegronden
end al mocht ons tvyandich ConRoot besprynghen
oft bedrieghers ons volghen teeneghen stonden
Laets vluchten in christus diepbloedighe wonden
20 by hem / om ons onRechtueerdicheden ontfanghen
Tlam gods es hy dwelck afdoet tsweerelts zonden
voor ons ghetrocken gheCoort ghebonden ghevanghen
en schandelick tusschen twee moordenaeren ghehanghen
zyn lichaem den slaenders ghegheuen tdien tyden
25 zendt hy ziecten/ laets ghaen gheen wanhopende ghanghen
maer ontfaen huut Liefden tot een verblyden
vvant die christus bemindt / straft hy / en wil castyden
dus hebben wy tgoede ontfaen zonder sommen
Eduard de Dene, Testament rhetoricael
+
iosue /2
+
iob 36
+
1 Regum 9
+
Ephes .2.
+
242 v
+
Roma 5
+
Esai 53