download - Rene van Maarsseveen

+
Aucteur
150
Van ghiericheyt hebbende veel ouergheslommert
peynsd ick om my zeluen Als een diet naerst // ghaet
myn hertkin wierd oock zotbegheerlick Becommert
5 Tot dies in tnaerRefereynken verclaerst // staet
Refereynken
Dat myn oomken Nu hadde een mildheyt vp handen
dat hy alle der schamele ghilden panden
gheel ghewilligh zonder ghelt ghynghe wedergheuen
10 die best tzynder tafel zou Roeren de tanden
ende wackerlicxst dryncken zou / zonder beuen
ende dat dit eens tsiaers Rechts in zyn leuen
vroylick mochte zoo ghebueren vreimdelick ghecleed
end al dander die staen inden doobouck ghescreuen
15 datse in stoue ghijnghen danssen nat onbezweet
dat zy tbuucxken oock creghen al vul bereedt
wat zeghtdys oft myn oomken zoo Avonthuerde
waert niet wat vreimds / iaet zeker by myn eedt
Dat vvaere Wat vreimds / end zoo ghebuerde
20 Dat de mans wiens wyfuekens quallicke * sluten
zouden draeghen een baghijne met Langhe tuten
ende zulcke vraukens omme de vreimdichede
hemlieden wilden houden zo langhe in muten
tot zy vergaedert waeren al vp een stede
25 dat daer elck om best dan zyn dansken dede
met een meercatte vp tschoere fraey ouer tey
dan Coppelaere myne steert den ** speilman mede
Coolkercx dansten of de Coeyen metten langhen Rey
en wie hier in ghebraecke ofte waere te Ley
30 datmen die peck wit zwart zyn troengne besmuerde
tiacop thuene ioorinloyszin / alsoo ick eerst zey
Dat waere vvat vreimds / End zoo ghebuerde /
+ Dat alle kamuse ende keuerbecte
deluwe besproette Bootzuese beplecte
eens tsiaers metten buschop Reden / om een verblyden
en wieder naer * himde / me hoyde oft ghecte
5 datse properlick pronckende zouden Lyden
dat oock zouden alderkynderdach ommeRyden
* ‘quallicke’: ‘u’ over ‘e’.
** ‘den’: ‘d’ over een eerste, kleinere ‘d’.
* ‘h’ geschrapt vóór ‘naer’.
Eduard de Dene, Testament rhetoricael
+
237 v
+ 238 r