download - Rene van Maarsseveen

139
die ons alle dyngh Ryckelick gheeft zonder sommen
om ghebruucken met Liefuer dancbaerichede
ghaert schat dies in dhemel daer vrucht of mach Commen
want nyemandt mach god dienen / ende mammon mede +
10 Christus sprack tzynen disciplen in deerdsche stede
voorwaer zeghick hu Lichtelicker eist zaen +
dat een cabel duer een naelden / ooghe tghaen dede
dan een Rycke zou int Rycke der hemelen ghaen
vvant de Rycke meest qualick zonder zonde staen +
15 wee hulieden dan die Rycke in syon Blyct +
ende stelt hu gheel betrauwen Als meer ghedaen
vp tgheberghte van samaryen / tot tleuen bezwyct
wee oock Rycke die hier hu vertroostynghe stryct +
dynct zalegher es tgheuen / dan tnemen int leuen
20 gheeft den aermen dies / ende wordt ghy gheel ouerRyct
Gheeft mildelick zo wordt hu oock milde ghegheuen
Metter zelfuer maete ghy meit / wordt ghy ghemeten +
den vroylicken gheuer wilt christus Beminnen
Laet hu aelmoessens met gheen trompetten weten +
25 maer doetse met zebaer Liefmoedeghe zinnen
Ieghens huwen vyandt Cryght ghy Tverwinnen
bouen den schilt van zulck eennen hoe Crachtich +
en victorie bouen zyne glavye innen *
dus gheeft vvel zyt ghy vele te gheuene machtich +
30 Stelt hu schat in tghebodt des hooghsten voordachtich +
ende tzal hu / en twyffels negheenssins / zyet
al veel meer voorderen dan goud waerachtich
maer en laettet dyn herte zyn gheen verdriet
huwe handt zo en zult ghy toehouden niet +
35 ieghens huwen aermen broedere te gheenen tyden
maer doen hem die opene / ende Leenen yet /
+
Naer dat hy ghebreck heeft in zyn groot lyden
deelt den aermen Afkeert gheen ooghen bezyden
zo zullen gheel vul worden huwe schueren
ende huwe wynParssen Tot dyns verblyden
5 ouerloopynghe zullen met moste ghedueren
Twater bluscht tbarnende vier in zyn Cueren +
end aelmoessene wederstaet tzondich Laeyen
ende god es haer anschauvver tot elcker hueren
diese loonen zal / met zynder gratien Raeyen
10 en ghedyncken / die hier den behouueden paeyen
dat dien gheuer voor tvallen zy vastheyt ghebleuen
maer die spaerlick zaeyt / die zal spaerlick maeyen / +
* ‘winnen’ geschrapt vóór ‘innen’.
Eduard de Dene, Testament rhetoricael
+ Mathei 6
+ mathei /19
+
Eccli 11
+
Amos 6
+ Luce .6.
+ luce /6
+ Mathei .6
+ Eccli 29
+
Thobi / 4
+
Eccli 29.
+ deutero/15
+ 231 v
+ Eccli 3
+ 2 corin 9