download - Rene van Maarsseveen

134
30 inden dieren tydt / doe daer Anden Rynsschen Cant
veynsende veel aerm volcx te doene bystandt
in een schuere hy te hoope verbarnen dede
+
dheere god almachtich vul Rechtueerdichede
Liet naermaels desen hatto onghenadich ghepyndt
inden Ryn gheworpen Omtrent mens der stede
zeghtmen / dat hem de musen hebben verslyndt
Prouerbi .11.
Die tcoorne verborghen houd / den desen
vermalendyd / Onder de Lieden zyn zal
ende snel zal die ghebenedydynghe wesen
vp thooft / vanden ghuenen diet vercoopen al
Prouer .14.
Wie den behoufteghen Aermen leed doet
die verwyt dat den heere Talsulcken keere
Wie den heere ontfaermich es / ende goet
die es de ghuene / die eert den heere
prouerbi .11. Oze .10.
De Ryckdommen zullen cleen noch groot
inden dach der wraecken niet baeten
Maer gherechticheyt / verlost vander doodt
zaeyt dies in Rechtueerdicheyt zonder aflaeten
Prouerbi.8. *
VVysheyt heeft den wateren ghestelt een wet
dat zy niet ouerghaen zouden haer paelen
ghy Redenlicke ** mensschen Regiert hu bet
in des heeren gheboden en wilt niet faelen
25 Handelt als Minorite niet ghierich ghelt
Weist als augustyn oock niet Luxurieux
Als iacobite zoo niet ypocritich ghetelt
end als Carmelyte niet presumptueux
Eerdsch goedt vergaderen om Rycke tzyne
30 Es anders niet dan druck en Pyne /
* ‘Prouerbi’: tweede ‘r’ interlineair toegevoegd.
** ‘Redenlicke’: ‘l’ over ‘a’.
Eduard de Dene, Testament rhetoricael
+ 228 v