download - Rene van Maarsseveen

131
hy zeyde tot Philippum zyn discipel bedeghen
10 waer coopen wy brood datse mueghen Eten
dit zeyde iesus hem tempterende tseghen
Want vvat philippus doen zou / vvist hy de weten
Philippus die heeft hem gheandwoord vrouch
meester voor twee hondert pennynghen broodt
15 en word nieuwer naer desen volcke ghenouch
vp dat elck ontfanghe wat tzynder noodt
hier vp andreas dede een andwoordich exploot
en sprack als symon petrus broedere beleeft
hier es een kyndt goederthiere en mynioot
20 dat vyf gheersten brooden ende twee visschen heeft
maer wat voedsel dit onder zo vele gheeft
iesus zey doet zitten de mensschen al
hy beualt zoo / daer hemelsch eerdsch / helle voor beeft
veel gars inde plaetse was daer groot of smal
25 nederzeten zyn / By vyf duust mans int ghetal
ende als zy al tsaemen zyn nederghezeten
iesus nam de brooden / hier int eerdsche dal
Want Wat philippus doen zou vvist hy de weten
Iesus naer tdancken zynen hemelsschen vadere
30 deelde alle die waeren ghezeten daer
insghelycx oock van * den visschen algadere
also vele als elck hebben wilde voorwaer
ende dese verzaedich zynde der naer
tot zynen disciplen sprack hy int leuen
35 vp datter niet en verquiste (dats claer)
vergaedert de brocken daer zynde ouerbleuen
+
zy hebben vergaedert dies vul beseuen
twaelf manden vanden brocken daer hebben ghesyn
huut vyf gheersten brooden / en twee visschen ghegheuen
die daer ouerbleuen waeren vp dat Termyn
5 den ghuenen die daer hadden gheEten fyn
hier in toogde iesus zyn mueghende secreten
al tooghdhy philippum een vraeghende Aenschyn
vvant vvat philippus doen zou Wist hy de weten
Prinche
10 Als die mensschen hadden ghezien eendrachtich
dat iesus zulck teeckene was vulsommende
zo zeyden zy / dits de prophete warachtich
die inder weerelt / daer es toecommende /
* ‘van’ interlineair boven geschrapt ‘alle’.
Eduard de Dene, Testament rhetoricael
+ 227 r