download - Rene van Maarsseveen

129
Den Verwaende Mensschen
Corte bescryfuynghe
van tsmensschens Lyfuynghe
en broossche ontLyfuynghe
Ter weerelt ketyfuich
Corten tydt inblyfuich
Considereirt. O. mensschen hier onsen corten tydt
in ghedueregher strydt
hoe hooghEdel gheboren / elck onser voor by Lydt
30 als schaeuwe wynd en Roock in deerdsche landauwe
++
van duechden cleene // hoe sterck Rasch de flauwe
gheboren in weene // van eender vrauwe
vervult met veel ketyfuicheyt / die moeten vorten
ons tselfs humueren / doen ons tleuen vercorten
5 ons weedommen doen ons flauheyt ghedooghen
ons hitte onnatuerlick / doet ons Iuecht verdrooghen
veel spyse / doet zwellen / ons Lichaems bevanck
vastynghe maghert ons / gramschap maect ons Cranck
droufheyt doet ons verdwenen / ende zoorghe zwaer
10 bedwynght ons / Rycdom doet ons berommen / der naer
Aermoe doet ons mesacht zyn / verworpen mespresen
Ionckheyt doet ons dolen / en oudheyt naer desen
maect ons leden crom / en ziecte die breictse voort
tbequelen maect ons thende / ende daer naer hoort
15 Comt donvoorzieneghe dood die ons ommeRynght
end al ons eerdsche ghenouchten gheel tonderbrynght
dits twesen van een menssche / hoe schoon hy blynct
dyn huuterste houeerdich verwaent vleesch ghedynct
doodt zynde Snooder dan een prye ghy stynct /
Ghierichede
Ghiericheyts pleghen // met die onRustich slaepen
dach en nacht gheneghen // om Raepen en scraepen /
Aucteur
Ghiericheyt dese duvelsche beminde madoone
25 begheerlicke schoone
naer der houeerdicheyt draeghende Croone
Comt verzelschapt sterck als gheen Clouckere
+ Fol. 225 v, r. 20 onderstreept.
Eduard de Dene, Testament rhetoricael
+ 225 v