download - Rene van Maarsseveen

116
Betraut vp my ick bem hu verlosser ghebleuen
dies gheen ander goden hebben zult bouen my +
noch ghelycknessen maecken / Bouen my verheuen +
van dat bouen in dhemel / onder vp der eerden zy
20 noch van datter int waeter / onder de eerde es by
en anbidse noch en dientse in gheender manieren
maer zouct my / en ghylieden zult wesen vry
ick leere hu behoorlicke dynghen hanthieren
Metten Afgodistendienaers wilt niet Logieren +
25 welcker voortstel es ghebuezelde fantazie +
maer doch myn alder Liefste Als goede scholieren
Keert hu zinnen van alle Afgoderie
Onsen god es inden hemel doet dauid verstaen
al wat hem belieft heeft / vulbrocht heeft hyt zaen +
30 en der heydenen Afgoykens / zyn niet dan wercken
van goud en zeluer / van mensschens handen ghedaen
zy hebben monden / end en zullen doen gheen vermaen
zy hebben ooghen / ende zy zullen niet Anmercken
zhebben ooren / maer en hooren in gheene Percken
35 zy hebben nuersen / ende zullen niet Riecken voorwaer /
+
zhebben handen / maer om tastene gheen verstercken
zhebben voeten / maer zy wandelen hier noch daer
en niet en zulzy Roupen / duer huer kelen dats claer
dus die zulcke goykens maecken / tot tsvolcx anschauwen
5 moeten worden ooc alsoo / warachtich der naer
end oock alle de ghuene die daer vp betrauwen
keert hu van zulcke goykens dan / mans ende vrauwen +
tspreken met die zonder ziele zyn wilt hu schaemen
ghy bidt den crancken om ghezondheyt / in dyn benauwen
10 den dooden bidt ghy om Leuen / Tot huwer blaemen
ghy AnRoupt hu tot een hulpe Buten tbetaemen
Die zelfue onNut es / Zoo zyn ghelycke plach
ghy bidt om den wech / dolende in hu verzaemen
An hem / hy die doch zelue niet wandelen mach
15 an een beilde / daer zaelicheyt noyndt in en Lach
ghemaect van mensschens handen / doe alle wie
vp dese en dier ghelycke / betrauwen nacht dach
Keert hu zinnen van alle Afgoderie
Houd hu an petrus scheepken gheloofuelick vast
20 twyfelt gheenssins / Al mach bughen wat zynen mast
weest clouck / eer hu dus tsheeren woord * comt omRynghen
myn volck heeft zyn eere veranderlick ghepast +
in een onhulpelick dynck / dies gheef ick Last
ghy hemelen wilt hu tot verwonderen dwynghen
* Vóór ‘woord’ ‘Raedt’ geschrapt.
Eduard de Dene, Testament rhetoricael
+
Esai 43.
+
Exod 2.
+
Esai .48.
+
1 corin .5.
+ Psal 113 et C 34
+ 217 v
+ Sapien 13.
+ iere .2.