download - Rene van Maarsseveen

109
Loftuter zyn tafelvriendt / draeyt hem vp zyn dume
met leckplatteel / en oorblaeser wandelt int Rume
willende voort an met vrau venus ghaen boeleren /
++
in tboucxken van twee bladeren meest studeren
wanen wys zyn die gheefter hem oock toe den Raedt
met drie vrauwen ten hende wil hy MarIoleren
ende zonder cesseren
5 daer me houden dominatie / ende hooghen staet
deerste Wellust tsvleechs / vanden gheluferde ghehaet
dander eerghiericheyt / die doch nyemandt en verveilt
de derde Begheerlicheyt der ooghen / diet al vaet
daeghelicxssche weerelt neimtter vp zyn toeverlaet
10 De daghelicxsche Weerelt Gheel int zotte speilt
Maer om dese drie vrauwen mueghen te Cryghene
neimt Raedt an Loftuter zyn tafelvriendt ghetrauwe
Loftuter voor de weerelt pyndt tstupen te Nyghene
fletsblaescaeckich te hyghene
15 hem excuserende in alsulck faict zeer nauwe
maer vp dat de daghelicxsche weerelt anschauwe
en ghebruucke der voornoomde schoone vraukens drie
Capiteyn drabber / heyle Coppelleers zyn lauwe
tzynen dienste neerstelick beschict hy de die
20 de magher ghecleedde drabber / maecter in fantazie
niet min gheen partie
word hy der daghelicxsche weerelt dies tbeste doet
hij draeft duere vp datter hem proffyt by geschie
tes al Eens hoe menich leckplatteel gheraect an goedt
25 heyle Coppelleers zyn wyf / wordter oock by ghevoedt
al eist datse moet zwyghen dicwils / dat dient gheheilt
De daghelicxsche Weerelt Gheel int zotte speilt
Deze capiteyn drabber gheel tot tsweerelts bystandt
Loopt duere Rasch / al waert eenen helsschen Vyandt
30 zouckende de drie vrauwen vooren verhaelt
Eerghiericheyt die hy ten eersten niet vry // vandt
zat vp een zeuenhoofdeghe beeste hoogh * ghezaelt
met paeuws ** plumen verchiert / eer hy langher heeft ghedraelt
wellust des vleeschs quam oock ten houe gheReden
35 vp een zueghe met zeuen mammen vlammich bestraelt
ghehaerde en gheschoorne hebben huer niet ghefaelt
+ Fol. 213 r, r. 6 ‘Wellust tsvleechs’, 7 ‘eerghiericheyt’, 8 ‘Begheerlicheyt der ooghen’, 18
‘Capiteyn drabber’, 31 ‘Eerghiericheyt’ onderstreept.
* ‘hoogh’ interlineair toegevoegd.
** ‘paeuws’: ‘w’ interlineair toegevoegd.
Eduard de Dene, Testament rhetoricael
+ 213 r