download - Rene van Maarsseveen

105
heeft oetmoedich gheweest totter crucen doodt
35 end hem tonswaerts vernedert ghewillich spoedich / +
+
ons menschlicheyt tanNemene / dien heere groot
den oetmoedighen verleendt hy huer daghelicx brood
als ghy houeerdeghe hemlieden gheel ofghaet
als ghy niet en wilt anhooren / huer claeghende noodt
5 doch verspughende / dat ghyse niet en versmaet
Wie hem verblydt in zynen houeerdighen staet +
zulcx verblyden es quaet Onmanierich in zeden
Want wy zyn een Aes der woormen / een stynckende zaet
anders niet dan een zack vul vuylicheden
10 vvandelaers onRustich in deerdsche steden
onverzekert ghebruucken wy tsaemen den tydt
dus baldadighe couraidgen duerhackelt duersneden
Peynst doch wat ghy waert / wat ghy word wat ghy zyt
Houeerdicheyt den mensschen es niet ghescepen +
15 noch gramschepe oock / den gheslachte der vrauwen
maer ouervloedich Rycdom / ende cleedren die slepen
dees gheuen tsmensschens herte / de moedeghe Nepen
dat die Edel oetmoedicheyt moet verflauwen
dan Ryster vp houeerdicheyt int anschauwen
20 diese in hooghmoedicheyt zoo verblendt
dat zulcke in tgrootdurstich noods benauwen
zomtyds vader moeder broeder noch zuster en kendt
Lucifer die claerlustich stondt an tfirmament
die bouen gods sterren wilde zyn ghezeten +
25 es ghevallen inder eerden verduustert gheschent
zyn houeerde heeft hem huten hemel ghesmeten
en dat adam heeft inden Appel ghebeten
vvat deet hem anders doen / dan Rechte houeerdie
om dat hy ziet goed ende quaet zoude weten
30 en dan hebben mueghen ouer al heerschappie
houeerdicheyt voor gode stynct als een prie
zonder stemme zal hy de vpgheblaesne verschueren
zy zullen zuchten in grooter melancolie +
end huerlieder ghedyncken zal niet ghedueren
+
zy zullen oock met een vreeselick trueren
in ghedachtenesse commen van hueren zonden
welcke wroughynghe zal van hem zeluen ghebueren
met goudin schat onlosselick noch zeluer ponden
5 weert de sulcke * doch eerst in hu ooghen bevonden
eer ghy cleene cruuskens tstof in huer ooghen verwyt
ende bouen al houeerdeghe Tallen stonden
Peynst. doch wat ghy waert / wat ghy word / wat ghy zyt
* ‘sulcke’: ‘su’ over ‘ba’.
Eduard de Dene, Testament rhetoricael
+ philip.2.
+ 210 v
+ Iacobi 4
+ Eccli .10.
+ Esai 14
+ Sapien.4.
+ 211 r