download - Rene van Maarsseveen

104
Wat houeerdicht ghy hu mensschen asschen eerdich stof +
die nochtans min dan niet van hu zeluen vermueght
25 als ypocriten zo zouct ghy des weerelts Lof
vvilt ghy wel doen / ghaet dese ydel glorien of
en volght oetmoedicheyt / moeder van alder duecht
Peynst als een blomme des ackers verdrooght dyn Iuecht
comt niet zoo vpgheblasen verwaent ter baene
30 hoort zachtmoedelick twoord gods / en daer in verhueght +
die alomme houeerdich wilt maecken den hane
hoort wat god den heere / doet thuwen vermane
+ +
Alwaert dat ghij waert als een Arendt verheuen
end hu voughdet onder de sterren te staene
zo zal ick daer of trecken dyn houeerdich leuen
alle tghuendt dat den mensschen es hooghe beseuen
5 dat es gheel verworpen / voor god Almachtich +
vvilt in hu zin houeerde gheen heerschappie gheuen +
verlaet hu vpden heere / met herten eendrachtich
ende niet vp hu verwaentheyt / zen es niet crachtich +
maer wanckelbaerder dan een teerbughende Riet
10 om cryghen hooghe staeten Loopt gheenssins iachtich
peynst daer en es gheen grootter dan die god ontziet +
hooghberommen in dyn moye Cleedynghen vliedt +
want hoe ghetoyt / altoos moet ghy menssche ghelycken
dies verheft hu inden dach huwer eeren Niet
15 dynct zaelich / die aerme van gheeste blycken +
doch onderzouckers van alle grootsche practycken
bezicht Redene / eer ghij van houeerdicheyt splyt
end als ghy vp tschamel volcxken / niet en wilt kycken
Peynst doch wat ghij waert / wat ghy word / Wat ghy zyt
20 Verheft hu niet te hooghe in huwe ghepeynsen
vp dat hu cracht en worde niet neder ghesteken +
vvilt vp tschaemel ghemeente / niet bytende greynsen
Laetse thueren nood durste wat pachten ende cheynsen
ouervaltse met gheen smaedich houeerdich spreken
25 vveist elck andren zachtmoedich schuut verwaende treken +
houd hu metten hooghmoedeghe / niet ghetelt
vvant Christus heeft verheuen doetmoedeghe Reken +
en die moghende heeft hy van huer stoelen ghestelt
god wederstaet / den houeerdighen in huer bewelt +
30 ende gratie gheeft hy / die zyn oetmoedich
verhoueerdicht hu niet vp hu goedt ofte ghelt
Rasch stellet hu een keerslicht in brande gloedich
iesus christus zelue / met wonden diepbloedich
Eduard de Dene, Testament rhetoricael
+ Eccli 10
+ Eccli .5.
+ 210 r
+ Abdie primo.
+
Luce 16.
+
Thobie 4
+ prouerbi/ .3.
+ Eccli 10.
+ .11.
+ mathei .5.
+ Eccli 5.
+ Ephes 4
+ luce primo
+ iacobi.4.