download - Rene van Maarsseveen

Salue Regina
vpden voornoomden voys /
Conyghinne Weest ghegroet
der ontfermherticheden
Ons leuen / zoetheyt / end hope goet
ghegroet weist noch in eeuvvicheden
15 Maria thuwaerts Roupen nv
om met hu mueghen wuenen
Wilt / voor ons bidden / Bidden wy hu
wy ballynghen / als Eua zuenen
Tot hu zuchtende Roupen noch
20 met Weenende vermaenen
Bidt voor ons huwen zuene doch
die leuen hier int dal van traenen
End ons aduocate weist
keert tonswaerts huwen ooghen
25 de vrucht dyns buucx diet al gheneist
naer tsleuens hende wilt ons tooghen
O goedertierenste marie
O zachtmoedichste mede
O zoetste bidt dat ons gheschie
30 die alder meeste zaelichede /
37
++ Gods baerseghe Bidt clouck en fyn
elck onser zonder tvvist // zy
en tsaemen weerdich mueghen zyn
der goe beloftenessen Christi
[Vp dat myn voornemen bet wierde ten voortghanghe]
5 Vp dat myn voornemen bet wierde ten voortghanghe
wierd anderwaerf verwect / tvvilde zyn was myn dyncken
dat ick dheere god / Binden eerdschen bevanghe
zou Tnaeruolghende Kyrie eleyson / en Lof schyncken
Vpden Voys
Adieu ghenouchte solaes en vruecht
met al dat ghij vermuecht /
Lof god drievuldich almachtich eeuwich goet
Wien dat elck louen moet
groote ghenaede doet
+ Fol. 4v, r. 8 ‘Kyrie eleyson’, 10-11 onderstreept.
Eduard de Dene, Testament rhetoricael
+ 4 v