download - Rene van Maarsseveen

72
en zelue zynt horribel stynckende vaten
35 doch liet elck by maeten // zyn zondeghe zeden
+
god verwecte wel goe heerders tonser baeten
maer in alle straeten // Es duecht ontgleden
het hooft es zieck / end alle de Leden
vyndt doch Remeden // heerders hu vailiant // biedt
5 valscht gheenssins gods woordt om ghiften of beden
Sophistrie // poetrie // Laet versneden // Want // ziet /
Wy aerme scaepen En hebben tverstand // Niet
Predicanten
Gheestlicke Mannen die twoord gods becondeghen
10 Weist clouck ghemoet in predicatien
Straft abusen Vp datmen te min mach zondeghen
hu ion ick dit Refereynken met Salutacien
Refereyn
Ghy Van Wien den stoel van Moyses es bezeten
15 Roupt / end en houd niet vp / zoo deden de propheten
verheft hu stemme als een trompet tallen stonden
vercondicht mynen volcke / ende laetse weten
haer ouertredynghe / en Iacobs huus haer zonden
Schaemt hu niet theligh euangelion vermonden
20 als ghetrauwe legaet / willet claer huut preken
als ghezonden predicanten / helpt de waerheyt oorconden
straft allen mensschen / haer zondeghe ghebreken
schuut oudewyfsche fabulen wilt waerheyt spreken
tooght dat huwe wysheyt in werck ende woord
25 tot een yeghelicx stichtynghe Reyn onbezweken
meerder zy / dan de fame diemen van hu hoort
houd huwe wysheyt gheenssins verborghen voort
Laet hu niet verleeden om tafelvriendt beclyfuen
werct manlick ende in een godsvruchtich Accoord
30 De Waerheyt des Euangelys Laet by hu blyfuen /
+
Doch heere god almachtich int hemelssche pleyn
hoe schoone zyn die voeten vpde berghen Certeyn +
der ghuenen die vercondeghen en preken vrede +
oock der ghuenen die goet vercondeghen Reyn
5 oock tsghelycx der ghuenen die preken zalichede
maer den euangelie warachtichste zede
zo en zyn zy niet alle ghehoorzaem ziet
zommeghe preken Christum in dees eerdsche stede
Eduard de Dene, Testament rhetoricael
+ 190 r
+
190 v
+
Esai 52
+ Roma.10.