download - Rene van Maarsseveen

60
ende neerstelick vp huwe schaepen wilt Achten +
wilt niet den onachtsameghen huerlyngh slachten +
die ziet commen den wulf / met een ghulselick gaepen
de schaepen laet hy / ende vliedt van tbewachten
20 dies grypt de wulf / ende verstroyt al de schaepen
Maer een goet heerder / die en zal gheenssins slaepen
maer vroom stellen zyn leuen / met een vercloucken
voor zyn schaepen / als dhuerlynghen ende Cnaepen
hem zeluen zullen / ende niet de schaepen zoucken
25 wilt grammelick dyn schaepkens oock niet vervloucken
noch wilt gheene versteken duer haet ende Nydt
bemindtse ghelyck Brynghtse huut dolende houcken
Stelt. hu leuen voor de schaepen / ghy die heerders zyt
Bereedt. hu schaepen den wech / Maect effen den pat +
30 Recht gheen Columpnen vp / die den heere versmaet +
doet nyemandt ghewelt / om te cryghene schat
wacht hu van yemandt / tonRechte te nemene wat +
maer zyt tevreden met hu gaidgen / naer huwen staet
doet weduwen noch weesen / gheen hinderlick quaet +
35 vvant eist dat ghyse quetst voorwaer Rechtevoort
zy zullen tot my Roupen / ende zonder verlaet
zal ick haeren Roup anhooren ende claeghende woordt
en myn thoorne (zeght de heere/) zal wesen ghestoort /
+
ende zulcke zal ick doen metten zweerde steruen
Want tot stichtynghe des volcx zoo dat behoort +
zyt ghy ghestelt / ende niet tot tsvolcx verderfuen
maect den wech / laet nyemandt anstootynghe verweruen +
5 noch met crachte dyn schaepen gheen ouerlast doet +
laet nyemandt onbehoorlick ontgoeden ontErfuen
Stryd totter doodt voor de gherechticheyt goet +
om dyn schaepen te beschermene weist clouck ghemoet
Anveerdt oock tonRechte besittynghen gheene
10 eist dat ghyt doet / zo eit ghy zulcx vleesch ende bloedt
en die wraecke behoort gode toe Alleene +
Rechtueerdicht euen ghelyck / groot ende cleene
Want wee den heerderen / die daer verstroyen zeere
en verschueren de Cudde ghulsich totten Beene +
15 van mynder goeder weedynghe / zeght de heere
Laet gramschap hu niet verwinnen / te gheenen keere +
maer den bedructen bystaet in huer onghelucken +
end vp dat hu name als een goet heerder vermeere
om ghelts wille / nyemandt en wilt verdrucken
20 willen zomtyds de scaepen / wederspoorich tucken
met wyse zoete schoone woorden hemlieden Castydt
Eduard de Dene, Testament rhetoricael
+ prouerbi/27
+ iohan/10.
+ Esai 62
+ Deu/16
+ Luce .3.
+ Exod / 22
+
183 r
+
2 corin 10
+
Esai 57
+
Leuiti /25.
+ Eccli 14
+ Deu / 32
+ iere 23.
+
Iob 36
+
Esai primo