download - Rene van Maarsseveen

46
bezouckende Luxurieuse habitacien
al doet de gheluferde groote hertzweerynghe
Nietmin / van dien propooste doen voorts dontbeerynghe
20 maer zendhu quictancie zoot wel es Rene
huut goeder inborst / met ionsteghe vlamme
dus ludende / altyds thuwen dienste gheen spaerlynck
Ontfaen by my Rasch Vp En // Dene //
van hulieden dralaerts Van Damme
25 Myn pensyoen vanden ghezonden haerynck
Aluooren Bedanckende myn heeren vander wet
daer naer huerlieder / pensionnaris De Smet.
niet gheerne vulcanitich / hopick tmywaerts tsmedene
al heeft zulck myn esbatement tspelene belet
30 zonder schimp / tgoeder meenynghe was tvpzet
indien de zulcke wel verstonde Redene
Deken ioos Wittebrood ion ick oock te bevredene
+
Wien ick betrauwe myn excuse thebbene ghedaen
der naer Iaques de Cuenync / vruecht te bestedene
als hij blootshooft int vleeschuus zal willen staen
gheerne laet hy de conste Audientie ontfaen
5 gheIonstich / datmer andre tsghelycx naer wene
niet spelende als Lunatyck Smet int gramme
my kennende vernought / van alsmen tzee daer vynck
Ontfaen by my Rasch. Vp. En. Dene
van hulieden dralaerts van damme
10 Myn pensyoen vanden ghezonden haerynck
Elck ornaet gestich voysich personnaige
Ruistich fraey ghemoet ghecommen vp tstaige
om vander daghelicxsche weerelt spelen Tesbatement
die bedanck ick hertelick in tdamssche passaige
15 voorts huerlieder welwillende thuerer advantaige
die ter Conynghfeesten gheern hadden zyn omtrent
Wanen wys zyn / es oock wel een wonderlick student
dat hy tsweerelts bedryf / wil verstaen naer zyn zin
zulck trect * hem an / een zaecke / waer by men kendt
20 dat een es / datmen niet zou betrauwen / zyn der in
Nietmin // daeromme Lietick niet Roeren den kin
om tRynssche Nat ** souffen / wier Ieghens stene
die my gheerne / ten vpstaene gheestich Camme
therte myn / oyndt mesprysende zwaer // dynck
25 Ontfaen by my etc a /
* ‘trect’: ‘t’ over andere letter.
** ‘Nat’: ‘N’ over ‘m’.
Eduard de Dene, Testament rhetoricael
+ 174 v