download - Rene van Maarsseveen

45
10 Caym wierd van Lamech versleghen ontEert
ende Abel zynen broeder es ghestoruen wel
de Ionghe thobias in gods vreese gheleert
esser wel in ghestoruen vastbetrauwende snel
Pharao versmoorde met zyn heyrcracht Rebel
15 wiens herte gheel verhart was / Tzynder onbaeten
Chore / dathan / en Abyron / die leden ghequel
verzoncken inder hellen / duer de eerdsche straeten
de menssche weet zyn hende niet / tzy van wat staeten
Als een schaeuwe vp der eerden / zoo es ons leuen
20 daer en es gheen vphouden / tpasseert zonder verlaeten
want den byl / es ande wortel des booms vpgheheuen
hier omme waect ende zyt bereedt ghebleuen
want ghy de huere niet en weit Certeyn
dat de zuene des mensschen / onvoorzien beseuen
25 commen zal / en vonnessen gheel tsweerelts pleyn
sterft eer ghy sterft / en maect hu met duechden Reyn
bezitten mueght ghy Abrahams Rusteghen schoot
Vleesch. Weerelt. Zonde. / houden ieghens hu ghemeyn
Dies Cort en Listich Breydelt hu ieghens De doodt.
Die van Damme
Myn meesters van damme die ick voortyds diende
Alst hemlieden beliefde / ter brugscher Conynghfeeste
++
die wil ick zoot Reden es / houden te vriende
Al wes Ick oyndt voor hemlieden Rhetoriciende
hebben my vuldaen met Liberalen gheeste
Maer vp datse te bet mochten wesen bewaert
5 van dontfangh nv de Laetsleden gheIaert
van myn Iaerlicx pensyoen / nae doude * vsancie
zo gheef ick hemlieden / hier naer verclaert
By myn eeghin handschrift / generael Quictancie
RefereynWys Quictancie
10 Gheesteghe ghezinde // beminde // ghildebroeders
Artisten // Mineruisten // der Anuntiatien
niet tmywaert // ghy spaert // tzyne milde // voeders
Int openbaere // ghewaere // der voorleden gratien
Paeys vrede // thuwer stede // ionne voor salutacien
15 der naer // tiaer // vruchtbaer // mids dinwoonders neerynghe
daghelicxsche weerelt stept voorts in dominatien
+ Fol. 174 r, r. 23, 24 ‘Van Damme’ onderstreept.
* Oorspronkelijk ‘naer’; ‘d’ bijgevoegd, gedeeltelijk over ‘nae’, en ‘o’ over ‘r’.
Eduard de Dene, Testament rhetoricael
+ 174 r