download - Rene van Maarsseveen

die/ eit en drynct hem zeluen / dat oordeel onvroedt
en zal schuldich zyn des bloeds ende tsheeren Lichame
5 dus elck menssche prouf hem zeluen Alvooren bequame
eer hy zal willen weerdich tot tsheeren tafle ghaen
en nutte dan vanden broode / duer christus Name
en dryncke vanden keilcte / om zonden quyctschel ontfaen
daer ghy anderssins onweerdich / als hooghlic mesdaen
10 comt zo zwaer zondich groot
En ghelooue hope Liefde / in hu niet vermeeren
als onweerdich ten Rechterstoele christi zult staen
vvant van stonden an gheRynghe haestelic zaen
Wie onvveerdich dit Brood eit / oordeele hem zeluen doodt // naer etc a
39
15 Vp dat. elck om dit brood eten best weerdich zy
bouen allen wercken die huutwendich doen wy
zo moeten wy ons zeluen inwendich ontwercken
ons tselfs te buten ghaende / als eeghin onvry
ons Rekende / en maeckende / een niet tallen percken
20 vp dat wy Christo in tgheloofuich verstercken
anghevesticht worden / end in hem gheEenicht wesen
tzynder tafele duerlaeyt metter Liefden spercken
Om tsacramentalic brood daer eten / naer desen
Als weerdich zyn ghenoode vercoorne ghepresen
25 niet hooghmoedich maer soberlick wys te zyne
altyds zynde bezoorghsaem / inden gheest gheresen
met die eenicheyt des gheests tot allen fine
inden bandt der liefden met werckende Aenschine
onslieden te houdene godsvruchtich eendrachtich
30 vp dat wy ons zeluen tooghen zonder Pyne
als schaepkens christi in ootmoedicheyt warachtich
der welcker schaepkens eeghinheyt sterckcrachtich
es / dat zylieden volghen in werck ende woordt
hueren heerdre ende Leedsman huut weghen duusternachtich
35 maer in tlicht vvandelende / hem volghen Rechtevoort /
++
Ghedynct oock O mensschen / en Redene oorboort
dat hu leden zyn Een tempel vanden helighen gheest
die in hu es / en van god hebt / huut liefden Accoord
end en zyt hu tselfs niet / dus huut Liefden vreest
5 vvant ghy zyt ghecocht / Tsamen minst ende meest
om bezitten Abrahams schoot
met eennen grooten prys / Wilt god dan weerdich Eeren
draeght hem in hu Lichaem / schuut onweerdich tempeest
want tbrood van tsheeren tafel / Als een Leuende keest
10 Wie onvveerdich dit brood eit / Oordeele hem zeluen dood
+ Fol. 170 v, r. 13, 16 (woorden in humanistisch schrift) onderstreept.
Eduard de Dene, Testament rhetoricael
+ 170 v