download - Rene van Maarsseveen

37
als onnoosel Lam An tcruce ter dood ghesleghen
de gheele weerelt wierd ghezuvert duer zyne wonden
25 die Ryfstroomich huutvloeyden gheel tonswaerts gheneghen
wy zyn al Reyn duer hem in zyn bloedt ghedweghen
daer eene druepel bloeds wasser crachtich toe ghenouch
Roupende / Tes al vuldaen Onsen paeys wierd vercreghen
hy die oetmoedich totter doodt onse qualen drouch
30 Laets ons zeluen zuuer schicken in al ons ghevough
houden dhandt anden plough // van Lyden
En besnyden
Onse herten van alder onReynicheyt mespresen
++
Gheel in Liefden Laet inwendich schoon blycken vrouch
De Cuussche Reyn van herten / zullen * zalich wesen
en ten fine / Als wy worden vander doodt verResen
vvy metten al nietzaleghen vallen inden helsschen wal
5 ende daer openbaer dan / Ter causen van desen
niet gheseyt / Ghylieden zyt Reyn / maer niet al.
Refereyn in tmandaetbancket ghelesen
van ghysbrecht buuck doe proost
hebbende / der mede / myn oorlof Bewesen **
vvie anders wedde Certeyn hy verloost
maer mocht ghebueren / ende vroost
eens zo stranghe/ dat de hateconsten faelgierden
daer zyn ***
noch consten inden gheest ghedoost
die myne Musae / dan gheerne hanthierden
ende ieghens Rhamnusia sterck Banierden /
3. a april .1560.
Refereyn. +
Hoort ghy ghenoode Van christo ghebenedydt
een yeghelick ziet toe in dees bequame tydt
20 dat hy zyn vaetken bezitte / dats therte claer
met helichmaeckynghe Prysweerdich verblydt
ende niet met lust der begheerlicheyt zwaer
ghelyck alsoo dat die heydenen volghden **** naer
die god den heere / niet en hebben ghekendt
25 god heeft ons niet gheRoupen in onReynicheyt / maer
tot helichmaeckynghe / zuver Reyn vpghespent
vvascht hu herte dies / eer ghij hem / comt omtrent
word ghewasschen / maect hu weerdich zonder ofscheeden
hu qua ghedochten (zeght dheere/) van myn ooghen zendt
30 Rust van quaet te doene / Leert weldoen verbreeden
+ Fol. 169 r, r. 15 en nota in margine onderstreept.
* Oorspronkelijk ‘zullich’; ‘ch’ doorgestreept, en uit ‘i’ ‘en’ gevormd.
** Oorspronkelijk ‘wesen’; ‘Be’ interlineair bijgevoegd.
*** Oorspronkelijk ‘es’, dat doorgehaald is; ‘zyn’ interlineair bijgevoegd.
**** Oorspronkelijk ‘volghen’; ‘d’ bijgevoegd.
Eduard de Dene, Testament rhetoricael
+ 169 r
+
Dertich maerte metten
Bril Dichtende ghevroomt
Ende ghelesen / naer consts
wetten drie april Ter feeste
voornoomt / .1560.