download - Rene van Maarsseveen

35
Dat Ick tot hulieden zegghe / Allen mensschen voorwaer *
zegh ict oock ghemeene /
Ander Refereyn
Ghelesen Witdonderdach 22. en in
maerte A o xvC drienvichtich
Ten Huse Van Gillis de Cuussche
Iesus christus god en menssche hier inder eerden
metten mensschen wandelende en frequenterende
willende ons sterfmensschelick deed anveerden
20 hy de hooghste van weerden
in wien hemelsch eerdsche macht was dominerende
Vp zyn avendmaels dach / was niet Cesserende
zyn disciplen voeten te wasschene Liefmoedich
Symon petrus / wildet niet wel zyn Accorderende
25 huut een Eerebewysynghe / en Liefde gloedich
vvant hy kende dat hy was / gheloouende vroedich
de Leuende gods zuene ghebenedydt
iesus heeft hem gheseyt voorzienich Reyn spoedich
gheen deel cryght met my / en ghy niet ghewasschen zyt
30 heere sprack dies petrus vierich inden gheest verblydt
Wilt alsnv niet wasschen dan myn voeten Alleene
maer oock handen end hooft / heere tdeser Tydt
en dheere wiesch huer alder voeten int ghemeene
+
knyebughelick ter eerden voor groot ende cleene
tot een voorbewys onslieden hier int eerdsche dal
end hoe wel / daer onghewasschen en ghebrack gheene
Iesus sprack / Ghylieden zyt Reyn / maer niet Al +
5 Ghylieden zyt Reyn / maer niet al / sprack iesus vry
want wist wie twas / die hem zou verRaedende zyn
daer met dandre Ieghenwoordich der wasschynghe by
was ook me ghewasschen hy
daer om sprack hy / niet al Reyn / zyt ghy vp dit termyn
10 maer ghylieden / die my hebt by ghebleuen fyn
in al myn temptacien / zyt Reyn nv warachtich
om de woorden wille / die ick met een lief aenschyn
hu hebbe ghesproken / daer ghylieden eendrachtich
in gheloofdet / daer huut zyt ghylieden Reyn crachtich
15 ghezuvert en gheReynicht / dus mocht hy doen vermaen
en maecte hemlieden kenlick / zoo hyt was almachtich
* Oorspronkelijk ‘ghemeene’ (cfr. r. 12); doorgehaald en ‘voorwaer’ interlineair bijgevoegd.
Eduard de Dene, Testament rhetoricael
+ 168 r
+ Iohan / 13