download - Rene van Maarsseveen

Ander Refereyn
29
In dien tyden iudas iscarioth gheNaemt
een vanden twaelf disciplen iesu christi voorwaer
ghijnck huut totten princhen der priesteren verzaemt
10 vp dat hy iesum zoude verRaeden der naer
en sprack wat wilt ghylieden my gheuen claer
end ick zal hem hu leueren zonder Respyt
zy boden hem dertich zelueren pennynghen daer
belouende hem tghelt / ende worden verblydt
15 Ende iudas voort an alsdoe van dier tydt
zo zocht hy bequaemheyt omme dat hy
zou verRaeden en leueren iesum ghebenedydt
/ ende daer naer alst avendt gheworden * was by
ende doe die huere gheCommen was vry
20 iesus zat nedere int avendmael tdier stede
voor zyn verscheeden wildhyt zoo doen / ende zy
zyne twaelf apostolen zaeten met hem mede
ende zeyde tot hemlieden huut een Liefmoedichede
hertlick heeft my verlanght / tpaeschlam huut liefden groot
25 met hulieden tetene / eer ick lyde / thuwer vrede
hy nam tbrood / danckende / ende brack dat broodt
hy ghaft hemlieden / ende zeyde zoot zyn wille ghebood
Dat es myn Lichame / dat voor hu word ghegheuen
neimt end eit sprack hy / voorziende tonser noodt
30 en doet dat tmynder ghedynckenesse int leuen
danckende heeft iesus den keilct vpgheheuen
ende ghaf hemlieden dien / en zy droncker omtrent
al te zamen daer huut / en zey hemlieden ghebleuen
+
dit es myn bloedt des nieuwe testament
dat voor vele ghesturt word / diet gheloofuich kent
als zy dus an tafel zaeten / beclaeghdhy huut ghenaeden
en sprack / voorwaer zegh ick hu / dit int herte prent
5 Een van hu / die myn brood eit / zal my verRaeden
10
Iesus christus kender huerlieder hertsen gronden
wiste wel wie van hemlieden was den persoon
Claeghlick mocht hy dies wel zegghen ten zeluen stonden
Ick bem hu beschermer / ende zeer groote Loon +
die almachteghe god vanden hemelsschen troon +
god van Abraham van isaac / ende iacob ghepresen
die heere god dyns vaders / ialours zonder gheCroon +
voor my en es gheen god ghevveest gheresen +
* ‘gheworden’: oorspronkelijk ‘ghecommen’; ‘commen’ is doorgehaald, ‘worden’ interlineair
bijgevoegd.
Eduard de Dene, Testament rhetoricael
+ 164 v
+
Genesi 15.
+
Exodi 3. ende .20.
+ Genesi 46
+ Esai 43