download - Rene van Maarsseveen

Andre
++ Int .31. e
261
Waer dronckenschap Rengneert huut bier ofte Wyn
niet secreits / en can daer warachtelic zyn
5 Alle dat god doet
Es zyn muegentheyt / ende wille goet
In vvien zyn drie dynghen diet al verhuecht
Mueghentheyt / Wysheyt / ende Duecht
Welcke drie dynghen Bouen al ghepresen
10 zyn al een wesen / met gode / end in gode
daer de weerelt gheheel mids desen
mede gheRegiert es / tzynen ghebode
Vyf dieren int Compareren
vyf zins bouen de menssche domineren
15 De menssche heeft vyf Redenlicke zinnen
als zien / Riecken / ghevoelen / hooren / en smaecken
maer vyf dieren zynder ter weerelt Binnen
die de menssche tbouen ghaen in dese vyf zaecken
Linx duerziet al / niet mach hem ontmaecken
20 De ghier stercxt Riect / van verre Roke ontfaet
Tschemynkel smaect licht / end als yet wil ghenaecken
der Copspinne Ter stondt tghevoelen bevaet
Den Euer subtyl int hooren verstaet
Elck dier te bouen ghaet /
Andre
Vader ende moeder hem neerstich spoeden
huer kyndt vphelpen ionck cranck ghestel
de vader den cost wint / de moeder cant voeden
Cryghtser naermaels duecht of / zoo schicket wel /
++
Tkyndt te iaere ghecommen gheworden man
zulcke vader vpdraeght hem zyn goedt mids desen
om gheRust ghemackelick Leuen voort An
ende laet zyn kyndt zelue zyn vader vvesen
5 Tkyndt dan aldus hebbende dueverhandt
de vader word oud cranck ende versteken
men wyst hem voorby / Tkyndt doet gheen bystandt
de vader verghaet dies / duer noods ghebreken
+ Fol. 139 v, r. 19-24 (namen) onderstreept.
+ Fol. 140r, r. 18, 20 ‘donnoosel’, 21 ‘Reden’ onderstreept.
Eduard de Dene, Testament rhetoricael
+ 139 v
+ 140 r