download - Rene van Maarsseveen

254
20 dan neerstich tot huwen affairen ghaet
Ghiericheyt en zouct niet te zeere
dan eerlick winnen den cost om Leuen
hebt ghyt wel inden name van god den heere
wilt den behoufteghen / medeelende gheuen
25 Hebt dat ghy steruen moet voor ooghen
Staet vp huwe ioncheyt gheenssins want
als een blomme des ackers / moet ghy verdrooghen
De mensch es niet dan stof / eerde / en zant
In al huwe wercken zyt gheel Rechtueerdich
30 onthoud den aerbeyder niet zynen Loon
god huwen hemelsschen vadre eervveerdich
zal ghebreckelick laeten niet / huwen persoon /
+
Kendt wat ghy zyt / ende wat ghij zult worden
verhoueerdicht hu gheenssins vp hu goedt
zo haestelick macht zyn nederghetorden
Liefzamich de minste als de meeste groet
5 Laet gramschap met hu niet vernachten *
tempert hu zeluen / ende weest tevreden
van haet ende nydt / Wilt hu oock wachten
daer paeys es / god es daer teeuweghen steden
Met dronckaerts snossers / quaet in tRegiment
10 ende die niet dan zondich Leuen hanthieren
schuwet die wandeltter niet omtrent
maer metten godsvreesende zult Logieren
Nyemands goed noch schat zult ghy begheeren
noch yet dieftlick nemen / hoe cleen dat zy
15 dat huwe es / mueght matelick wel vertheeren
Ieghens den nood / houd een Pennyngh By
Om goud zeluer / bede / vriendschap ghifte
en zult ghy niet doen eennen valsschen Eedt
houd als een zeghele dyn handgheschrifte
20 ende naer huwen staet / hu Redenlick Cleed
Pacientich lydzamich zyt ende verduldich
als hu ancomt ziecte ofte Tribulatie
peynst dat ghyt verdient hebt menichfuldich
als hebbende grootlicx mesbruuct gods gratie
25 Quetst nyemands eere Fame noch Name
Loftuter noch oorblaeser vvilt niet vvesen
Leeft met dyn huusghezin Reyn bequame
houd maete in allen dynghen ghepresen
Raedt ende advys vanden vvysen Neimt
30 voorpeynst / ziet toe / eer ghy beghint
van dwaese zotten altyds vervreimt
* Eerste ‘n’ interlineair toegevoegd.
Eduard de Dene, Testament rhetoricael
+ 135 v