download - Rene van Maarsseveen

217
In alle dat gheel eerdeRycke beseuen
vvant huwe groote miltheyt Tot onser vrame
tot bouen den hemelen es die verheuen
heere Iesu christe oetmoedich ghebleuen
10 Totter dood toe / iae totte der crucen doodt
daer om heeft hu god / hu verheffende ghegheuen
Een name zynde bouen allen namen groot
zoo dat in die name iesu / zoo god ghebood
hem alle knye bughe Als name vruchtbaer
15 hemelssche / eerdsche / End al thelssche ConRoot
end alle tonghen zouden belyden der naer
dat die heere iesus christus es voorwaer
in glorien gods zyns vaders eeuvvich onghehendt
vviens name men oock eeuvvich es Eerende daer
20 daer de chooren der inghelen zyn eeuvvich omtrent
Ons hulpe es inden name des heeren Bekent
die hemel eerde ghemaect heeft / dus wie dat deert
Laet ons zyn name verheffen / vvant ongheschent /
Iesus name Es ter Weerelt veel eeren weert
25 Ghebenedydt zy den name des heeren
van nv voortan Tot inder eeuwicheden
pryselick moet die zelfste name vermeeren
vander zonnen vpghanck tot zou ghaet Beneden
vvant zaelich es die man tot elcker steden
30 vviens hope / es inden name des heeren Crachtich
Christus es een name der gracien zeden
maer iesus es een name der glorien machtich
daer en es gheen andere name warachtich
den mensschen ghegheuen onder dhemele * / Niet
35 dan iesus van nasareth daer wy eendrachtich
in zaelich moeten worden / in gheen andere ziet /
+
tRycke deser weerelt / es iesu christo gheschiet
want naer dien dat waeren vervult acht daeghen
datmen tkyndt zoude besnyden Alsoot de wet Riedt
zo hoorde men zyn name iesus ghewaeghen
5 eer hy int Lichaem ontfaen was zonder vertraeghen
heeft hem dIngel die name te nomene gheneert
dus dit ghemerct zeghwy Clouck zonder versaeghen
Iesus name es ter weerelt veel eeren weert
Vp dat hy zyn volck zoude maecken zaelich
10 van huerlieder menichfuldeghe zwaere zonden
daer omme heet hy iesus alsvooren verhaelich
als zuene des alderhooghsten god bevonden
ende zoo van god ghenoomt / eeuvvich zonder gronden
* Oorspronkelijk ‘dhemelen’; ‘n’ doorgestreept.
Eduard de Dene, Testament rhetoricael
+ 113 v