download - Rene van Maarsseveen

204
20 vvilt my dyn handwerck by hu ontfaen
ick kenne / hu heb ick ghezondicht Alleene
en voor huwen ooghen veel quaets ghedaen
heere tot wien zoud ick anders ghaen
dan thuwaerts vaste / betrauwende zaen
25 die gheenen zondaere wilt versmaeden
maer keert hy thuwaerts / zyn lyden verzoet // O heere /
Princhelick god Almachtich god der goden
Alle dat zondich es / van my weert
dat ick onderhoude dyn liefue gheboden
30 sterct my daer Inne / want ick begheert
keert van my doch dyn Rechtueerdich zweerd
daer ghy de goddeloose mede deert
ende ontfanght my in huwe ghenaeden
bouen al hu wercken een vloeyende vloedt // O heere /
35 Glorie moet god den vadere wesen
en zyn zuene Christus ghebenedydt
dhelighen gheest oock / Persoonen drie ghepresen
maer eennen god almachtich teeuwegher Tydt /
+
Eeuwich int hemelssche eeuvvich iolyt
Rengnerende die hemel end eerde verblydt
wiens Rycke blyft eeuvvich zonder verspaeden
bermherticheyt ouer den zondaers doet
5 O heere god verlost ons vanden Quaeden
vvant hu Bermherticheyt es eeuvvich goet
Schiplieden Cappelle
Dese ghildebroeders schippers ion ick aduantaige
zeylende naer Bruaige
10 niet meer in te laedene dan huerlieder peyl
alomme vry te zyne van Pylotaige
end als zy ter zeewaerts in doen voyaige
beschermt voor naufraige
end altyds thebbens goet wynd int zeyl
15 zo wordtter keyl deyl // den pennyngh veyl
om wel tonderhoudene de ghestichten
En ter cappelle zalmer te bet mueghen Lichten
Capelleken up stuuenbergh
In dit Capelleken ghesticht vp stuuenberghs houck
20 neffens vierentwyntich Rentkens staende in een Reke
Orlementen ghebreecker ende Messebouck
zoude zondach tsmesdaeghs wel hebben bezouck
Eduard de Dene, Testament rhetoricael
+ 106 r