download - Rene van Maarsseveen

25 Glorye zy den vader
zyn zuene al euen meest
end euen ghelyck algader
oock mede den helighen gheest
Alsoo vanden beghinne
30 die zelfste glorie was
huut Liefmoedeghen zinne
Christus ons allen ghenas
188
Derde Liedeken
Vpden Voys het daghet huuten oosten // het lichtet ouer al
35 Als ick anRoupen dede
Liefzaemich heeft my verhoort
die god van myn Rechtueerdichede
ende trooste my Rechtevoort /
+ Ghy mannen zwaer van zinnen
vvaeromme eist hu gherief
dat ghy wilt ydelheyt beminnen
end hebben die Lueghene Lief
5 Bekend hoe god den zijnen
zeer wonderlick heeft ghewrocht
hy hoort my tot alle termynen
vvanneer ick hem hebbe ghezocht
Wordt gram en schuwet tquaede
10 van huwer herten vermaen
end hebt berau vrouch ende spaede
van dies ghij mocht hebben mesdaen
Gheeft god hu offerhande
der Rechtueerdicheden voorwaer
15 ende wilt hopen met verstanden
inne den heere der Naer
Veel zynder die daer spreken
wie zal ons tooghen dat goet
dyn licht es ouer ons ontsteken
20 dies blyde / maect mynen moet
Zy zyn naer haerlyen lusten
met alle ghelucke verzaet
in hu O heere wil ick Rusten
myn hope myn toeverlaet
Eduard de Dene, Testament rhetoricael
+ 97 r