download - Rene van Maarsseveen

20 hu grootheyt den gheelen dach
verworpt my niet tdier stonde
als ick bem oudt ghemaniert
verlaet my niet ten gronde
Als my myn cracht faelgiert /
25 Want myn vyanden spraecken
tot my gheveynsdelick quaet
die naer myn ziele haecken
die hebben ghenomen Raedt
En zegghen thuerer baeten
30 vervolght hem / en grypt hem vry
god die heeft hem verlaeten
vvant daer gheen verlosser zy
Dies god claer moorghen sterre
ziet tmywaerts my helpen wilt
35 en zyt van my niet verre
met huwen goetwilleghen schilt
vp dat zy beschaemt worden
die ieghens myn ziele staen
dat oock mach zyn vertorden
40 zulcx achterclappich vermaen /
+ Met schimp en versmaethede
moeten zy worden ouerdect
die myn ongheluchede
zoucken zeer nydich bevlect
5 // maer ick zal altoos hopen
gheel thuwaerts vp elck saeysoen
en zal word icx ontslopen
Altoos thuwen loue meer doen
End hu groote Rechtueerde
10 vercondighen zal myn mondt
oock daghelicx vp deerde
de zalicheyt / die ghij ons vondt
// En want ick niet en kende
wysheyt tot houeerdie
15 tes Recht dat ick my wende
en naer gods warachticheyt zie
Heer god ick zal ghedyncken
alleen hu Rechtueerdeghe duecht
Leerynghe wildet schyncken
20 my van mynder Ioncheyts Iuecht
hu wondren Topenbaeren
heer god dats myn advys
186
Eduard de Dene, Testament rhetoricael
+ 96 r