download - Rene van Maarsseveen

zonder verghanck
vvilwy hu Louen oock zeere wel
ghy die gheneest die waeren Cranck
En nyemandt el
Tsinte Claren
181
Daer ion ick twee bullen van ghezaegde Nuetelaers
Om de siedgen te vermaeckene wiet berieuwen
Ter eeren den dekene vanden Ruetelaers
die zy Iaerlicx vpden kerstdach daer vernieuwen
30 Maer ter plaetsen daer thelighe sacrament Rust
vp datmer thoogh misterie zy ghedachtich
huut een Liefmoedeghe ionsteghe Lust
tnaervolghende Lof ionicker warachtich
daer naer de zusterkens zyn verwachtich
+
drie gheestelicke liedekens om verblyden
die zy tsaemen mueghen zynghen eendrachtich
En tsheeren name der inne ghebenedyden
Lof Vanden helighen
Sacramente
Lof broodt der inghelen / lof hemelssche spyse // vry
lof helias coucxken van hoogher name // zoet
lof hu wien eeuwich lof ToeRyse // by
Lof zoeter dan huenich / hooghst van pryse // ghy
10 Lof onslieden ghegheuen ter zielen vrame // goet
Lof zuene des moeders maria Eersame // vroedt
Lof vleesch lof bloedt / niet schynende dan brood // ziet
Lof wonderlick wondre / noyndt wondre zo groot // Niet
Lof die byder Aerck gheCompareirt // zyt
15 Lof die zelue dit wondre / Eerst maeckende // maecte
lof die van allen priesters gheconsacreirt // zyt
Lof die onghemindert ende onghemineirt // zyt
die in ons ooghen oyndt wonderlick daeckende // daecte
wiens troostbaer gratie ons Annaeckende // naecte
20 Lof die hem zeluen te nuttene gheboodt // ziet
Lof wonderlick wondre / noyndt wondre zo groot // niet
Lof hu wien tmanna es figuere // ghelyckelick
Lof die zyt des leuende waters fonteyne // Claer
Lof voedsel die voedt de ziele puere // Ryckelick
25 Lof die ontfynght mensschelicke natuere // blyckelick
Eduard de Dene, Testament rhetoricael
+ 93 r