download - Rene van Maarsseveen

165
+
Deerste Liedeken
Ad te leuaui oculos meos
Dauids .122. e psalme
Vpden. Voys het daeghet huuten oosten
het Lichtet ouer Al
Thuvvaerts hief ick myn ooghen
(tvleesch ieghens den gheest meest stuent)
wilt my hu zaelichede tooghen
ghij die inden hemele wuendt
10 Ziet zoo met Neerstichede
Al omme een goet gheschien
die ooghen der dienstknechten mede
vp dhanden huers meesters zien
Soo oock neerstich Anschauvven
15 die ooghen van een dienstwyf
al vp die handen huerder vrauwen
ghestadelick int beclyf
Ons ooghen zoo ghestadich
zien vpden heer onsen god
20 Tot dat hy ons worde ghenadich
die staen onder zyn ghebod
Weist ons ghenaedich heere
Onslieden ghenaedich zyt
want met versmadenesse zeere
25 zyn wy vervult tdeser Tydt
Want onse ziele Claerlick
es zeere vervult Certeyn
end een verwyt nv openbaerlick
gheworden int eerdsche pleyn
30 Gloria patri
Glorye zy den vader
de zuene / den helighen gheest
zoo die was / Es / en blyft Algader
Gheel onverghanghelick meest /
Eduard de Dene, Testament rhetoricael
+
83 v