download - Rene van Maarsseveen

150
20 daer wyr anders commen / mueghen wel vvesen beuende
om anhooren christus woord / Comwyr onghewasschen by
zoo hy zeyde tot petro / eist ons tsaemen Ancleuende
Die / niet ghewasschen es / En heeft gheen deel met my
Iesus christus ten vierden heeft hem willen gheneeren
25 in tbecken water te doene / Naer zyn begheeren
ons bewysende / naer dat vvy zyn eeghinzondich ontcleedt
dat vvy / om de leelicke vlecke / ouder zonden bet weeren
huutsturten zullen traenen van berauvve heet
Twater doen int becken / bewyst ons oock ghereed
30 traenen huut te sturten / inder zonden Belydynghe
end in teecken hu huwe ouertredynghen zyn Leedt
sturt hu herte als water huut / met ghebenedydynghe
voor tanschauvven des heeren / tword thuwer bevrydynghe
brynght liefmoedeghe traenen als een beke voort
35 vvant een ghebryselt herte / oetmoedich zonder vermydynghe
+
zal dheere god niet versteken maer dat gheerne anhoordt
Ten vyfsten christus huut een oetmoedich Accoordt
heeft ghewasschen zyn disciplen voeten ghemeene *
ons bewysende dat naer berau in werck in woord
5 vvy met traenen moeten wasschen ende maecken Reene
al onse quaede gheneghentheden / groot ende Cleene
Rust dies van tquaet te doene / doet wel daer ghy mueght
dat hu voeten niet en slibberen / staet vast te beene
dats ontwyfuelick gheloouende / blyft in hu Iuecht
10 zuvert thooft / wascht dyn voeten vul alder onduecht
Reynicht oock huut liefden hu inwendighe vyf zinnen
om dat ghy te bet om tbesitten tdeel tshemels vruecht
dese vyf bewysen muecht / om vuldoene beghinnen
vvant dat besmet es / zalder niet inghaen binnen
15 dies christus sprack tot petro / tzelfde zecht ons allen hy
vp dat hy ons al zoude Tzynen erfdeele winnen
Die niet ghewasschen es / En heeft gheen deel met my
Prinche
Doende tbeste dies voorseyt es / laets tsheeren tafel Rasschen
20 vvy die zyn een hoopken eerde / maer stof ende Asschen
broosch zondighe ydel flasschen
vp ons zeluen mueghen wy staen gheenssins yet
iesus christus heeft ons in zyn bloedt ghewasschen
Ia de eerde begoten met ouervloedeghe Plasschen
25 vvaer duere onse zuuerynghe gheel es gheschiet
voor gheel des weerelts zonden / en diet gheloouen Niet
* Oorspronkelijk ‘Eersame’; geschrapt en ‘ghemeene’ erna geschreven.
Eduard de Dene, Testament rhetoricael
+ 73 r