download - Rene van Maarsseveen

149
en heeft hem zeluen der naer / tot een duechdich vermaen
met eennen lynen douck vpgheschort voorwaer
daer naer zo heeft hy watre int becken ghedaen
en beghinnen wasschen / der disciplen voeten aldaer
15 vyf voorbewysen / die wy behooren tvolghene naer
heeft christus allen mensschen ghetooght mids desen
die hy zelue Eerst ghedaen heeft / Eer hy openbaer
tsacrament des outaers / vvild instellende wesen
Eerst vpghestaen vanden tafel end oetmoedich gheresen
20 bewysende Eer dat wy tzynder tafel zouden keeren
dat wy zonden zouden laeten / werck dadelick mespresen
end oock de wille van niet meer zonde vermeeren
vvant gheenssins mueghen wy ter tafel des heeren
ende des vyands tafel Tsaemen wesen deelachtich
25 dies moeten wy / om ons wel te wasschene Leeren
ter Iordanen vloedt te ghaene zeuenwaerf zyn ghedachtich
end ons wasschen Reyn van zeuen doodzonden tweedrachtich
die vleesschelick besmitten onsen gheest / dat wy
niet hooren / Als tot petro / gheseyt warachtich
30 Die niet ghewasschen es / En heeft gheen deel met my
Wie mach zegghen metter waerheyt int eerdsche pleyn
Ick bem zuuer van zonden / en myn herte es Reyn
gheene mensschen vermueghen dat tgheender tydt
Ten tweeden christus dede zyn cleedren huut certeyn
35 vp dat wy huutTrecken zouden toude zondich habyt
der quaeder ghewuenten / en quaeder conversatien wydt /
+
van allen quaeden schyn hu nauwe vvachtende wel
worpt of den ouden menssche / die altyds strydt
met tvreimde vleesch zynde gheel den gheest Rebel
behoud elck andren inde liefde / duer tghelooue snel
5 deen den andren zyt bermhertich / zoot best betaeme
den bevlecten Rock haetende / die vleesschelick es fel
dan hebbende die ofgheleydt / vpschort hu bequame
metten lynin douck / zoo christus de Ten derden eersame
Bewysende / Dat hebbende ghelaeten doude zonden
10 tzynder tafel mueghen wesen wel Anghename
als met nieuwe witte Cleederen daer tallen stonden
Dat vvy zonder bruloft cleedt niet en zyn bevonden
tvvelck es tcleedt der liefden / voor vrauvve ende man
dies als huutvercoren gods / huut Reyne zuver gronden
15 doet leden der bermhertich en goedertierheyt An
der oetmoedicheyt verduldicheyt / ende zoo elck best Can
elck andren verdraeghende / end elck andren vergheuende
zo ghaen wy tsheeren tafel voorts omme Alsdan *
van hem worden ghespyst / diet al houd Leuende
* ‘Alsdan’ oorspronkelijk met kleine ‘a’.
Eduard de Dene, Testament rhetoricael
+ 72 v