download - Rene van Maarsseveen

147
30 en zy leuendich voor huwen ooghen bevonden
ghy die alleene vergheeft al alsulcke zonden
als yeglick zondaere zou mueghen hebben mesdaen
duer huwen name ende diepbloedighe wonden
+
en wie tot hu comt / zult hem In ghenaeden ontfaen
den wech voorgheghaen // die my oock zult leeren Weten
Die beloften lief / zal ick nemmermeer vergheten
Prinche
5 Christe Lief in dyn laetst avendmael hebt ghebroken
de stranghe wet / en veel nieu beloften ontloken
huwe liefue disciplen / end ons allen tdier tydt
voorwaer / voorwaer / hebt ghy zelue alsdoe ghesproken
ten zy dat ghy zult eten Tvleesch ghebenedydt
10 vanden zuene des mensschen / ende zonder Respyt
zyn bloedt drynct / in hu hebben zult gheen leuen crachtich
maer die myn vleesch eit / en myn bloedt drynct / wordt verblydt
ende zal inder eeuvvicheyt leuen eendrachtich
hem verwecken / inden laetsten dach warachtich
15 vvant myn vleesch es warachtich spyse / en myn bloedt
vvarachtich dranck / dit zyn Christus woorden almachtich
die al dat hy wil in hemel inder eerden doet
dies bouen veel beloften zoet // Troostbaer secreten
Die beloften lief Zal ick nemmermeer vergheten
Aucteur
Ter Eerweerdicheyt van thelighe sacrament
zynde vul misterien hooghwonderlick
de naervolghende vier clausulen / myn ionste zendt
daer becondicht te zyne byzonderlick /
Lof Vanden Helighen
Sacramente
Lof sacramentalic broodt Reyn onbesmet
bouen alle tmanna in moyses wet
ons bequaemste voedsel ghevolght der na
+
dies louen dancken eeren hu veel te bet
zuuer ende net
O salutaris hostia
Eduard de Dene, Testament rhetoricael
+ 71 r
+ 71 v