download - Rene van Maarsseveen

+
Princhelick
140
15 Christe Iesu / hebt neder willen daelen
Ende ten principaelen
den zondaers zaelich maecken
gheleden onse quaelen
ghewillich zonder faelen
20 met wonden deit tbetalen
onser boosheden zaecken
Onttween ghewreuen waert
om onser zonden Aert
gheOffert onghespaert
25 Als metter doodt bezwaert
Danct christum Tallen tyden
die voor ons wilde Lyden
als zekerste verblyden
daer doude vaders hebben Langhe naer ghehaect /
30 God en menssche waerachtich
mensch / end oock god crachtich
en de zelue Almachtich
Die zonder ons verdienste / ons zalich heeft ghemaect /
Castaengeboome zusters
Dese zusterkens vanden Castaengneboome
helpen ziecken vertroosten verBedden verlegghen
meer verdienende dan of zy ghynghen te Roome
5 dach en nacht bystandt doende / zy nyemandt ontzegghen
al vvilden nyders wegghen // Ieghens hemlieden tissen
twaer onghelyck / lamme ziecken helpense pissen
die huer zinnekens ghemissen / Cunnen zy oock bewaeren
dus Ion icxse vroylicheyt in al huer Iaeren
10 // En ghemerct icker hebbe twee oude Caeren
tschoon zuster calleken / en tbrune zuster neelken
die altemets gheerne een Liedeken claeren
end alst pas gheeft / Spelen een tafelspeelken
omme te verlichtene tclaervoysich keelken
15 de drie Gheestlicke liedekens hier naer bescreuen
vp dat de stemmekens snercken als een veelken
vvil hemlieden die testamentelick gheuen
Liedekin
Vpden Nachtegale cleen vueghelken
Voys vvilt ghij my leeren zijnghen
Eduard de Dene, Testament rhetoricael
+
67 r