download - Rene van Maarsseveen

Refereyn
106
+ Catherina Barbara en Magdaleene
met Lydene zyn zy In gods Rycke gherocht
tes waer / maer van drien wil ick nemen Eene
daer den helighen gheest / meerst in heeft ghewrocht
5 Ende dats magdalena / Schriftuerlick bezocht
die met zeuen vyanden was eerst bezeten
dats zeuen doodzonden / doe in huer gheCnocht
die gheRasschelick wierden der huut ghesmeten
By wien / duer tshelichs gheest stercke secreten
10 die huer met zyn Raeyen verlicht heeft tverstandt
vvant anders en hadse niet connen gheweten
dat veel zondich besmetten in huer was gheplant
dies blaecte in huer vierich der kennessen brandt
ende volgde Christum / om gratie verstercken
15 Magdalena Lydtsamich duer tshelichs gheest wercken
Den helighen gheest hem meerst in huer moeyde
zou die eerst was vloeyende vul der mesdaeden
dat gratie daer naer in huer ouervloeyde
zo datse verwarf gods groote ghenaeden
20 vvant dhelighen gheest heeft huer gheRaeden
te worpen af tsduusterheyts wercken zwaer
dies huer leden ghevought / eerst tot tzondich verzaeden
heeft die leden ghevought wel / tot duechden claer
huer ooghen eerst kiesende wulpscheyt eenpaer
25 die hebben beschuldeghe traenen ghegheuen
end hoe zou hier mesdreghen heeft in huer haer
heefter Christus voeten me ghedrooght int Leuen
metter mondt eerst houeerdeghe spraecke bedreuen
zyn voeten oetmoedich ghecust vvildhy mercken
30 Magdalena lydzaemich duer tshelichs gheest wercken
Huer ooren die gheerne eerst ydelheyt hoorden
oft alle belemmerde eerdsche Treken
die heeft ze gheopent / om hooren gods woorden
en voor hem ghezeten / als hy wilde preken
35 huer tonghe die zou voormaels de lichticheyt spreken
die heeft zichtent gods name ghebenedydt
der Apostelen apostolinne ghebleken
Eduard de Dene, Testament rhetoricael
+ 47 r