download - Rene van Maarsseveen

105
Tresoriereghe / medichinesse by stonden
secretareghe / dienstvvyf zyns moeders bedeghen
oock zyn Apostolinne / die eerst ghynck beweghen
zyn godlick verRysen / met vieregher moet
30 zoo tzaeyken inde Roose / es vierich gheneghen
wel wetende dat was allen mensschen zeer goet
zyt louelick ghegroet // dan onbezvvyckelick
Magdalena der Rooder Roose ghelycklick
En ghy edel Barbara der biechten vrauwe
35 Als zoetluchteghe gentyle zyt ghy vermaert /
+
wiens vadre hu dede besluten nauwe
In een stercken thor buuten mans beschauwe
zoo men de gentyle vander * straeten bewaert
vvant in hu was Rechts alder schoonheden aerdt
5 als schoone inde ziele end oock in Lichaeme
dies heeft hu christus negheenssins ghespaert
maer ghepluct als gentyle voor hem bequaeme
en ghedect met een witte stole Eersame
doe martianus hu waende doen gheesselen naect
10 zoomen vpde gentyle voortyds voor onReyn blame
een dexels van fyn wit papierken heeft ghemaect
Alle ydel ghepeynsen hebt ghy oyndt ghestaect
bekennende tsdrievuldicheyts wesen Almachtich
zoo elck naer der gentylen zoetluchticheyt haect
15 zo haect elck kersten menssche naer hu warachtich
om biechte voordachtich // ghy Rechts in persoone
Barbara zoetluchteghe gentyle schoone
Edel Princessen die Christum beminnende Waert
Waert mueghelick verbidt my deeuweghe vrede
20 De se ghildebroeders / helpt oock tzyne Be Waert
De beminders van Rhetorica Telcker ste De
Ne gheenssins die laet / maer be Waert ze mede
Clerck aldaer
Roegier de trompes Clerck vanden drie zantinnen
25 Teender ghedijnckenesse naer myn doodt
of icker mochte Een pater noster An winnen
als hy tsmoorghens comt ter Cappelle binnen
gheef hem dit Refereynken huut milder schoot
magdalena verstae ick draeght hy ionste groot
30 Chrichhemich Ich ** broodt // met hem eten frisch // pleghe
Als hem wat ouerschoot van zyn disch // weghe
* Een eerste ‘va’ is doorgehaald.
** ‘Ich’ is later bijgeschreven in grijzere inkt.
Eduard de Dene, Testament rhetoricael
+ 46 v