download - Rene van Maarsseveen

100
myn hooft te zaluene waert ghij niet gheneghen
maer dese heeft ghezalft myn voeten int Leuen
daeromme Symon in dese eerdsche weghen
20 zegh ick hu / huer worden veel zonden vergheuen
want zou vele bemindt heeft warachtich ghebleuen
maer wien lettel vergheuen wordt / teeneghen stonden
die bemindt lettel / dies christus ditte beseuen
sprack tot haer / hu worden vergheuen veel zonden
25 die daer aten beghonsten in huer herten gronden
zegghen / Wie es ditte die in zulck bestieren
de zonden vergheeft / maer zylieden en vonden
van christo gheen andwoorde in gheender manieren
dan alleene totter vrauvve / doe spraecke hanthieren
30 zegghende alsvooren / God diet mueghende spraect
Ghaet in vreden / hu ghelooue heeft hu zalich ghemaect /
Princesselicke
Vrauvve spyts elcken kettere
al en vyndtmen hu name niet naer de Lettere
35 des helich Euangelion warachtich bequame
+
gheen / dan helighe doctueren bescryfuent nettere
dat maria magdalena was huwe name
ghecoren mePatronesse Eerzame
Als eenne van tbroederschap der drie zanttinnen
5 ghehouden binnen brugghe Tes openbaer faeme
By een partye die Rhetorycke beminnen
die deuotelick bidden met herte met zinnen
gode voor ons / om zalicheyt / tbidden niet slaect
dat wy oock die troostbaereghe woordekens winnen
10 Ghaet in vreden hu ghelooue heeft hu zalich ghemaect /
Den Lazarus ziecken
Wat. zoud ick dese vele te gheuene peynsen
zyn al Redenlick voorzien bin hueren convente
verclaerssende vermaenende / zonder veynsen
15 thueren Lyfue / had ick ghelt / cocht ick gheerne Rente
mids datse meest zieck zyn * en in tormente
nietmin tmoet al ghestoruen zyn in tsweerelts Ronde
gheltmen hemlieden yet Te zomer wynter Lente
God verleense metten Rentier tsamen ghezonde
Ghilde Sint eeuvvout
// Buten //
daer die van tleeuMout
// Ruten //
* ‘zyn’ interlineair toegevoegd met grijzere inkt.
Eduard de Dene, Testament rhetoricael
+ 43 v