2012 september - Opeinde

Pisje foar de Pein ...Vervolg
leechheljen binne.
En meststoffen binne op de hiele wrâld oe sa
nedich. Sûnder dy stoffen rekket de grûn, de ierde
útmergele en dêrtroch sil der yn de tichtbije
takomst fiersten te min iten groeie om elk minske
sêd jaan te kinnen.
En no, krekt foardat dêr mooglik in
wrâldhongersneed úbrekt, is dêr in oplossing fûn: it
weromwinnen fan ûnmisbere fosfaten út pis! It kin
de rêding wêze fan it minskdom!
Fansels, soks is samar net klear. De technyk dêrta
moat noch gâns ferbettere en oanpast wurde.
En…… neffens Wilschut is dêr noch in oare
swierrichheid; dêr is urine, pis, giel wetter, giel
goud nedich!!
Om in foarbyld te jaan: om tûzen liter giel wetter te
krijen, binne dêr sljochtweihinne sa`n
2750 mieltsjes pis nedich. En dêrut hellet it GMBfabryk
trije kilo meststoffen (strufyt). Mar… dêrfan
binne gjin trije kilo‟s nedich, mar tonnen, tonnen en
nochris tonnen!
Sa as ik sei: it is net samar klear! Miljoenen liters
giel wetter binne dei yn,dei út, jier yn,jier út, nedich
om de noadige meststoffen te ferkrijen.
No komt it:
Ik soe graach wolle dat wy as Peinders meiinoar
yn dizze noch iepenlizzende merke springe; dat wy
as doarp leveransier wurde fan it “gouden wetter”
as grûnstof foar it GMB-fabryk út Zutphen.
Soks hat in soad foardielen:
wy wurkje as doarp mei om as wrâld de holle
te bieden oan hongersneed,
men kin dêr sûnder grutte ynspanning fan
jong oant âld oan meiwurkje. By de âlden is
de striel net mear sa krêftich en it miel net
mear sa grut, mar dêr tsjinoer stiet dat
âlderen der `s nachts wol in kear as trije út
moatte om te dripkjen en alle bytsjes helpe,
omdat wy it as doarp meiinoar dogge, krije
wy in gefoel fan ienheid en soks is foar De
Pein hartstikke moai meinaam,
as doarp slagge wy in alhiel nije wei yn; neist
meststoffen foar de ierde, levert dat noch in
wichtich stofke op foar de minske:
adrenaline!:
as lêste sil dêr ek aardich mei te fertsjinjen
wêze, want as it no al “gouden wetter”
neamd wurdt, sil dêr foar de leveransier grif
wol sulver oerbliuwe.
41
Dy opbringst sil fansels foar it hiele doarp
brûkt wurde moatte. Sa tink ik bygelyks net
allinnich oan in soad sitbankjes, mar dêr
moat ek in automaat neist stean dêr`t de
rêstende kuierder en de wurge, swittende
hurddraver fergees kappûtsino, poeiermolke
of rivella út helje kin. Sokke bankjes mei
automaat - ditkear mei oerkaping tsjin de
reinbuien- en waskrûmten mei gelegenheid
foar lytse en grutte boadskippen, moatte dêr
fansels ek komme by ús nij oan te lizzen
Peinder trochgongshaven.
Neist meiwurking sil dêr troch de Peinders yn it
earstoan hiel wat organisearre en ynfesteard
wurde moatte. Dêroan soe it bestjoer fan de nij
op te rjochtsjen feriening “Peinders, Ienriedige
Striel”, ( ôfkoart mei de trije fetswarte letters) stjoer
en stâl jaan kinne. Yn dit bestjoer wurdt net praat
oer in foarsitter, mar oer de “striellieder”.
Fansels hat de organisaasje ek te krijen mei it
ôfslúten fan kontrakten oangeande leverjen ensfh,
mar dêr wol ik my no net op rjochtsje. Tige wichtich
yn it gehiel is foaral it sammeljen en de opslach
fan it giele goud.
It sil sa moatte dat thús elk de pismieltsjes opheint
en sammelt yn ien, twa of trije grutte, giele
sjerrykanne(n) of yn in âlde molkbus. Ienris yn de
wike moatte dy lâns de wei set wurde en om bar
ophelle wurde troch frijwilligers. De Gemeente hat
ús de âld papieraksjes wol út hannen helle, mar
fan dizze aksje sille se hooplik wol ôfbliuwe.
Ja, en dan moat it gouden wetter noch opslein
wurde oant it stuit dat it troch de mannen fan
Martin Wilschut ophelle wurdt.
Omdat it opslaan dochs barre moat yn in soart fan
grutte molketanks is de grûn fan it âlde molkfabryk
wol in geskikt plak foar al dat giele wetter . Dêr
kinne wy in opslach hiel wat literkes kwyt.
Boppedat soe dêr fan dit plak út in goudwetterbuis
streekrjocht nei it Wokpaleis rinne kinne.
Elke gast dy`t dêr syn búk fol yt en foar it fuortgean
syn of har blaas leget, kin meihelpe oan de sûne
wolstân fan De Pein.
Ek kinne wy deun by de brêge in nei kastanjes
rûkend pishokje delsette foar trochfarrende manlju
en froulju, foar trochgeande fytsers dy`t
wiidweidich de knooppuntenrûte
bestudearje moatte en foar wachtsjende klanten
yn de altyd drokke winkel fan ús ferneamde
slachter Gerk Biesma. En as dêr op it plak fan de