2013 - Vreigeliers

Aafsjiedswaord Aod-Prins Valentin 1
7
Bèste Vreigeliers en Vreigelerinnekes
Het motto van de Opha’s is; Prins bösse mèr aeve,
Opha väör ’t laeve. Dao höbbe ze geliek in, de tied
geit zeker sjnel, zeker esse Prins bös en probeers
äöveral van te geniete. 21 jan 2012 bön ich oetgerope
toet Prins Valentin de 1e en waarsjienlik ouch de
lètste. Het waas eine geweldige aovendj, mér väör det
se ’t wèts is de resepsie en de optoch gewaes en sjtik
se Bachus in de fik. Mér vastelaovendj vier se neet
allein en eine Prins kin neet zónger ein Raod van Elf.
Hiëre bedanktj, ouch Vorst Bart bedanktj väör diene
raod en advies. Mér óm alles te regele höb se ein
besjtuur nuedig. Dame en hiëre bedanktj. Ouch mien
Adjudante Ralf en Dennis, bedanktj väör euge sjteun.
Mien femilie, Mieke, Romy en Rowan bedanktj väör
uch gedöldj. En den kum se weer biej het motto van
de Opha’s. Es ich de vraoge en ’t glaas beer good höb
doorsjtaon, den bön ich officieel Opha. En den is d’r
ouch eine noewe Prins , Ich wins Prins Marc de 2e
, zien Adjudante Lex en Luc, väöl plezeer en maak
d’r ein groët fiëst van. Väör ederein eine geweldige
vastelaovendj gewinstj en bedanktj.
Aod PrinsValentin de iërste
“Alle bölkes aaf,
Vreigeliers: Alaaf!”