2013 - Vreigeliers

PROKLEMASIE
JEUGDPRINS THOM II
Wae, Prins Thom II,
• Mèt permissie van de 51-jaorige Jeugdvastelaovendj en biej de
Graassie vanne Flaoresse vanne Raod van Ellef;
• Jeugdprins vanne Vreigeliers in ‘t jubeljaor 183 maol 11 nao Kristes;
• Zoon van Thijs van Harrie van Caris-Helm van de gooje kantj vanne Maas
en Nicole van Ger van Sjeng oet de Broekhin van de angere kantj vanne Maas;
• Map en pap haaje neet gedacht det hae Prins zooj waere omdet hae neet voetbaltj
en altied mér achter dae kompjoeter zitj. Hae zal ze aevel ins get laote ruuke…;
• Broor van zien broor en des alles waat ze thoes klaor kreege.
Pap zag: genóg is genóg en mam lag zich d’r biej neer..;
• Kaoke kintj d’r als de bèste en auch van sjaake haet d’r väöl versjtandj.
Het waerdj tied, det d’r auch ins ein vroumes geit sjaake…. ;
• Haet geine aanlik väör sjporte mér waal väör kompjoeters.
Hae zitj op fees-boek, haet ein aaj-pet en nuuj sjoon…;
• Hae mót van mam eedere daag de hondj oetlaote,
den kumtj d’r auch ins oppe lócht en waere die herses get doorgewèjtj;
GAEVE BIEJ DEZE TE KINNE:
Ten iërste:
det Wae de kloëteriej en ‘t gedoons van Prins Sven I höbbe äövergenaome
en det zulle wae uch laote zeen, huere, ruuke en veule;
Ten twiëdje:
det Wae deze wintjer bienao geine sjnieë gezeen höbbe mer waal väöl water.
In Böggeme en ’t Brook doon ze zich al de sjtevele aan, inne gooj kamer;
Ten derdje:
det Wae dit jaor drék nao de vastelaovendj gaon vaste en det gultj auch väör ooze pesjtoër.
Hae zag: nao 25 vètte jaore koome auch 25 magere..;
Ten veerdje:
det Wae haope, det in die aoj kaffee van Betje weer laeve kumtj,
anges blieftj d’r neet väöl laeve äöver in oos laeve. Wae wille laeve inne broeweriej;
Ten viëfdje:
det Wae zeen, det in oos dörp nog sjteeds bienao niks mieër geboewtj waerdj. Gelökkig haet de sjötteriej eine kerst-sjtal
geboewtj mèt eine echte aezel d’r in. Diej zeen d’r in Haele nog zat, auch al höbbe wae geine eige gemeindjeraod miër;
Ten zèsdje:
det Wae vinje, det de kaole-vergaazer vanne PLEM aope mót blieve al is ’t mér óm die waakvlam te laote branje;
Ten zevendje:
det Wae dinke, det Frenske van Maassen noëts doping gebroektj haet,
anges haaj d’r in ziene gooje tied waal get helder gefi etstj;
Ten achtste:
det Wae allemaol motte mètdoon aanne optocht,
auch diej waat de rest van ’t jaor achter de kompjoeter zitte of hange of ligke of sjtaon;
Ten negendje:
det Wae vinje, det oos sjötteriej ’t bèste kan sjeete van gans Haele.
Jaomer det ’t d’r mèt de Aoje Limburger noëts oet kumtj;
Ten tiëndje:
det Wae vinje, det vreigele ós oppe bein hèltj mèt die daag.
Kinne wae neet miër vreigele, den kriege die vrouwluuj ’t väör ’t zègke en den is ’t aafgeloupe mèt det good laeve;
Ten ellefdje:
det Wae es liefsjpräök zulle veure:
Sjpräöke, sjpringe en sjpraeke
Det is vastelaovendj!
48