Briefwisseling van Hugo Grotius. Deel 2

74
Martyr 1 facta ab eo ait aratra et iuga, et alia pacis opera. Sed et in Veteris Testamenti
libris saepe videas nihil de Prophetis dici nisi ex quo verbum Domini ad eos factum
est, id est ex tempore ἀναδείξεως αὐτῶν πρὸς τὸν Ἰσραὴλ ut loquitur Lucas I, 80.
Et hoc ipsum est quod illa locutione ‘surrexit Propheta’, solet indicari.
Adres: A monsieur Monsieur de Puy.
641. 1621 Mei 14. Aan B. Aubéry du Maurier 2
.
Affectum tuum in me, Vir Illustris, quem haud digne exprimam, nisi paternum dixero,
nuntiant ex patria uxor et amici, testantur tuae, et ad me et ad alios, qui hic sunt,
literae. Eundem fideliter exprimit Vir Amplissimus Marbaldus 3 affinis tuus, qui omnia
mihi large obtulit, quae usui esse possent. Quibus pro rebus gratias referre meum
non est, sed eius, qui istius summae tuae bonitatis et auctor est et erit remunerator.
Ego postquam Lutetiam veni tot undique gaudiis circumfundor, quot in diuturno
carcere tristia senseram: Tanta est in me procerum benevolentia, tantus literatorum
ad me concursus. Itaque iucundissima colloquia egregiam longae solitudini vicem
rependunt. Prae caeteris Tilenus 4 et Puteanus 5 omni me officiorum genere ornant.
Inter tot laeta unum dolet, quod rursus ad arma impelli Gallia vestra videtur. Sed
Regis bonitas et eorum, qui a consiliis ipsi sunt, sapientia spem facit aut bellum
mutatum iri aequa pactione, aut victoriae usum non alium fore, quam ut victis dematur
iniuriae licentia: quod Deus faxit, Imperii vestri toties sospitator. Idem te, Vir Maxime,
tuamque domum propitius custodiat. 14 Maii, 1621. Lutetiae.
642. 1621 Mei 14. Aan N. van Reigersberch 6
.
Ternis tuis literis, Frater merito charissime, quas scripsisti 4, 5, et 28 Aprilis pariter
respondeo. Ac primum scire te volo summam tuam pro rebus meis curam semper
mihi pergratam fuisse et nunc pergratissimam. Oro te quantum possum, quanquam
hoc ipso scio opus non esse, ne in hoc tam pio officio defatigeris: cui vicem Deus
rependet. De meis rebus ex literis, quae postea ad amicorum manus pervenerunt,
nonnihil intellexeris. Certi nihildum habeo, spei abunde. Res Galliae adhuc inter
pacem bellumque dubiae fluctuant. Sed hoc incertum pauci dies diriment. Societatem
et amicitiam suam Rex nostris eo liberalius obtulit, ne si ad bellum res hic vergeret
adversarii sui ex nostris partibus ope iuvarentur. Et Legati 7 vicissim liberaliter polliciti
sunt operam se daturos, ut ea, de quibus Rex querebatur, in posterum cessent. De
Arsenio 8 dixerunt Regios ministros sollicitos non esse debere, quando ille domi
invidia atque odio multorum laboraret,
1 Iustinus, Dialogus cum Tryphone 79 (= Migne, Patr. Gr. VI p. 688).
2 o
Gedrukt Epistolae p. 56. Beantwoord door n . 656.
3 Zie p. 60 n. 4.
4 Zie p. 68 n. 6.
5 Een der gebroeders Dupuy; zie p. 66 n. 7.
6 Gedrukt Epistolae p. 56.
7 Zie p. 42 n. 1.
8 François van Aerssen.
Hugo de Groot, Briefwisseling van Hugo Grotius. Deel 2