Briefwisseling van Hugo Grotius. Deel 2

66
instaurationem voluit sibi satisfieri iis in rebus, in quibus negat eam sui habitam
rationem quam beneficiorum magnitudo postulabat. Ego non desino omnibus mihi
recte volentibus Patriam commendare cuius amorem mihi nullae unquam iniuriae
extorquebunt. Ubi ad me scribetis, litteras destinare poteritis ad mercatorem
Rambouilletum 1 , a quo pecunias mihi necessarias accipiam; is Parisiis habitat. Si
qua occasio est curandi Rhotomago inscribi poterunt Bloisio fratri Couwemburgii 2 .
Is enim Rhotomagi habitat, Parisiis litteras permittere poterit. Saluta matrem, D.
Lassonium 3 , avunculum, materteram, fratrem, sororem 4 et quicquid amicorum est:
nominatim affinem De Byaeum 5 cum familia. 16 Aprilis 1621. Lutetiae.
Tuus tibi obedientissimus filius
H. Grotius.
631. 1621 April 22. Aan B. Aubéry du Maurier 6
.
Vir Illustris.
Ex te potissimum disco, quanta sit non in superficie natantis, sed penitus in animum
demersae bonitatis constantia. Adeo tu semper me sublevare, fovere, ornare non
desinis. Sentio hoc ex eorum benevolentia, quos tua mihi potissimum benevolentia
conciliavit; Puteani 7 et Perrezii 8 , qui sine mora, ut adventus mei nuntium accepere,
ad me visendum accurrerunt, comitati nihil non debeo. Praeses Ianninus literas ad
me scripsit 9 , cum adhuc Antverpiae me esse existimaret, plenissimas amoris, et,
quod maximum iudico, innocentiae nostrae tantum reddentes testimonium, quanto
maius exoptari nullum poterat. Talem et Boissizium 10 reperi, quem domi suae conveni,
ubi, ad aulam abiturus, mea causa substiterat. Ex utriusque consilio Lutetiae quiesco:
facturus de caetero, quod ipsis ex usu videbitur; quorum me sapientiae, fidei, caritati,
totum committo. Haec omnia ideo tibi narro, ut intelligas, quam multis magnisque
nominibus tibi obstringar. Solvendo cum non sim a me ipso, Deum pro me tibi
delegabo, qui se omnium beneficiorum vicem non sperantium expromissorem statuit.
Is diu te incolumen servet, efficiatque ne quicquam posthac nisi pro aliis doleas.
Lutetiae, 22. Aprilis, 1621.
1 De bankier Rambouillet; zie Pannier, L'église réformée de Paris sous Louis XIV, I p. 395.
2 Een broer van Mr. Pieter Couwenburch van Belois, den raadsheer in het Hof van Holland,
die aan Maria verwant was. Zie Brieven van Maria van Reigersberch ed. Rogge p. 136 n. 2.
De raadsheer was een der 24 rechters.
3 Zie I p. 6 n. 2.
4 Avunculus en matertera zijn broer en zuster van Hugo's moeder, dus uit het geslacht Van
Overschie; frater en soror zijn Frederik van Losecaat en zijn vrouw, Hugo's zuster Adriana.
5 Zie p. 17 n. 4.
6 Gedrukt Epistolae p. 54.
7 Er zijn drie gebroeders Dupuy, Jacques, Pierre en Christophe, van wie de eerste twee,
bibliothecarissen van de bibliotheek des Konings, de meest bekende zijn.
8 Er zal gelezen moeten worden Peirezii, d.i. de bekende philoloog Nicolas Claude Fabry de
Peiresc.
9 N o . 629.
10 Zie p. 65 n. 4.
Hugo de Groot, Briefwisseling van Hugo Grotius. Deel 2