Briefwisseling van Hugo Grotius. Deel 2

474
tibi ingentes pro hac beneficentia habeo, et hoc unum maceror, quod nihil habeam
quod rependam; maiorem autem in modum te oro et obsecro ut si quid sit, quod tibi
gratum esse possit in his partibus id mihi iniungas, non parcam operae aut pretio.
Ceterum, quod huius mei otii rationem a me exigis, ut quod vel tuo exemplo recte
collocare debeam: ingenue apud te profitear, numquam mihi fuisse fiduciam ingenii
tantam ut aliquid in publicum edere auderem. Interea tamen, tempus quod mihi ob
invalitudinem non intercipitur, lectioni bonorum auctorum impendo, in quorum
meditatione omnes curas ac incumbentes molestias defodio, maximum in eo solatium
collocans, quod non diu duratura sit haec miseria, aetate mea tam praecipiti. Tu
perge publicae prodesse, et melioribus te serva temporibus, ac vale, praestantissime
virorum et amicorum. Argentorati 29 Augusti 1625.
Tuus sicera fide
G.M. Lingelshemius.
Adres: A monsieur Monsieur Grotius à Paris.
In dorso schreef Grotius: Lingelsheim 29 Augusti 1625.
1007. 1625 Sept. 5. Aan Willem de Groot 1
.
Video, mi Frater, quam diligenter et mea et Novi Foederis libros legas, cum de illo
ad Corinthios loco 2 disputas tam erudite. Mihi quanquam de illis quae adfers nihil
iam videtur probabiliter posse defendi, tamen maxime illud arridet, ut
παρασϰευάζεσϑαι in aliquo gradu intelligatur, quales multi in negotiis talibus fingi
possunt: aut ut aliae Achaeorum Ecclesiae Corinthiacam in isto apparatu nonnihil
praevenerint. De poematis nostris et iis quae ad Senecam et Lucanum 3 notavimus,
Vossii sententiam avebo intelligere. Velim scire quibus legibus Smoutius 4 meum
munus acceperit, et siquid posthac geratur in Musii et Terestenii negotio 5 .
Lomeniacus 6 , unus quatuor Secretariorum status, sed cuius munus a filio
Villauclerquio 6 nunc obitur, magnopere me rogat ut tabulas ultimas Principis Mauritii
ipsi dem videndi copiam, item foedera quae nostris cum praecipuis Indorum regibus
et populis intercedunt 7 . Vide ecquid hac in re iuvare me possis, ut soles. Est enim
vir ille minime malus et rerum istiusmodi apprime studiosus. Spessius 8 mira hic
nuntiat, de triginta hostium turmis quae ad nos transierint, de profligatis Hispanis
ad S. Salvatoris oppidum et alia huiusmodi. Legatorum qui ad Protestantium oppida
ierant pars iam rediit, pars exspectatur, et ut nunc res sunt maior est spes pacis
internae quam externae, quod nostris rebus mirum quam conducet. Sed nihil hic
1 Gedrukt Epistolae p. 785.
2 2 Cor. IX, 2.
3 Zie p. 455 n. 5; p. 473 n. 1.
4 Zie p. 462 n. 10.
5 Over de ‘dissensiën’ te Dordrecht tusschen Cornelis van Teresteyn, burgemeester 1621-1624,
en zijn opvolger, Hugo Muys van Holy, zie den brief van Nic. van Reigersberch n o . 1004.
6 Zie p. 335 n. 2.
6 Zie p. 335 n. 2.
7 Hij herhaalt dit verzoek in n o . 1020 en 1026.
8 Charles d'Espesse.
Hugo de Groot, Briefwisseling van Hugo Grotius. Deel 2