Briefwisseling van Hugo Grotius. Deel 2

473
sed tabellarium morbus detinet. Tertium illud exemplar de quo scribis Davidi
Reigersbergio debebatur. Exspectabo quid de nostris in Senecam et Lucanum 1
faciendum centeas. Buonus deficere ait exemplaria Apologetici 2 , nec eius de Iure
belli ac pacis multa superesse. Itaque utrunque parat recudere. Exspectabo
amicorum consilia numquid mutandum aut adiiciendum censeant. In Bergambactano
negotio haud dubie adiutor vobis erit Romipeta Magnus 3 . Epistolae terra si commeare
non poterunt, quaerenda erit ratio qua Rhotomago mittantur ad nos. Adolescens de
quo Pater scripserat 4 , si Latinas literas bene didicerit pingere, erit mihi gratus, nec
multis operis onerabitur. De Stobaeana parte meminero. Cornelii quoque habebitur
ratio. Hic adhuc res incertae sunt de bello atque pace, sed bellum magis procedit,
et Hautainio permissum est praelii fortunam experiri. Dicuntur Subizius et Rohanius
rursum accepisse ab Hispano centum millia scutatorum, oppida earundem partium
bis tantum. Scribebam die 29 Augusti 1625, quo captivitatis nostrae inchoatae
memoriam celebramus. Deus posthac meliora. Salutes oro parentes et bene volentes.
Tui amantissimus Frater
H. Grotius.
1006. 1625 Aug. 29. Van G.M. Lingelsheim 5
.
S.P. Et literas tuas et munus absolutissimi operis 6 recte accepi ac quamvis ex gravi
morbo decumbens, tantum tamen solatii ex plena affectus epistola et divino opere
hausi, ut inde longe melius habere mihi viderer, sed deiecit me denuo gravior
incumbens morbus, ut vixdum me recolligere queam, atque ea est caussa, cur tam
tarde ad tuas respondeam. Quid dicam? obrui me abs te beneficiis, qui inter primos
tuorum ingenii monumentorum me participem facias, et constantem in me amorem
tam abunde testeris; quod autem etiam me iudicem exposcis, facis pro tuo in me
affectu, sed ego gnarus virium mearum, novi quid humeri ferre recusent 7 . Habes
autem me applausorem, qui omnia tua et probo et admiror. Felix hoc nomine
miserabile hoc saeculum nostrum, quod tu repertus, qui ruentibus temere omnibus
ad violentiam ac bella, frenum iniicere, et ad veram in Deum pietatem rectamque
rationem omnia revocas, et tam accurate ac perspicue quae involuta erant variis
disputationibus tradis, ut nemo sanae mentis contradicere possit. Relegam autem
denuo totum opus et si quid occurrerit in quo forte scrupulus mihi supererit, tuam
opem implorabo. Librariis nostris locutus sum, et opus ostendi, illi aiunt iacere hic
penitus negotiationem suam, se tamen in mercatu Francofurtano isto sumpturos
exemplaria quae Lutetia illuc adferentur. Monui opus esse incomparabile et huic
tempori, quo omnia bellis ardent, maxime appetendum, atque utinam ii, qui rebus
gerendis praesunt, hoc opus serio evolverent ac meditarentur, longe melius res
publica se haberet. Gratias
1 Zie n o . 997 en p. 459 n. 4.
2 Verantwoording.
3 Zie p. 459 n. 5; p. 460 n. 4.
4 Zie p. 470 n. 5.
5 Hs. Bibl. Rem. Gem. Rotterdam. Antwoord op n o . 981.
6 De iure Belli ac Pacis.
7 Cf. Horatius A.P. 39, 40.
Hugo de Groot, Briefwisseling van Hugo Grotius. Deel 2